Popular Bible Verses from Mk. 13

Share

Boosi balimubiila enywe sikila lisina liase. Ne kakhali oyo owikhaliilikha khukhwola khusiakamo niye olionisibwa.

Lindiilila, ba meso, sikila se mumanyile siise sie khukhwicha tawe.

Ne bamutiila bamuyila mu koti, mukheendekhelela siise ne sikhoola khu niko kane mulome tawe. Siise ne siolile loma liosi liosi nilio muelesiibwe sikila kamakhuwa niko mucha khuloma se kali kakenywe tawe, kakhaame khu Roho Omutakatifu.

Likulu ne liloba biliwao, ne Elomo yase se liwao tawe.

“Se aliio omanyile endaalo namwe esaa tawe, akhaba bamalaika mwikulu namwe Omwana se bamanyile tawe. Paapa yeng'ene omanyile.

Lundi mukhanaanisibwa ne muulila luyoka lwe liie siimbi ne aleeyi tawe. Bibiindu birio khukhwola biekholekhe, ne kakhali se lili bali aba sisiakamo siolile tawe.

Ba meso, sikila se mumanyile siise nisio omwami wenju alichilamo tawe, wakana ekolooba namwe mu siilo akari namwe mumakhelebeende namwe enyanga nesoa. Ne aaba ne echa nokhamanyile, akhakhola ario akhunyoola nokona tawe. Niko muboolela enywe mboolela babaandu boosi ndi, ba meso!”

Bibala bicha khupana, bubwami ne bubwami bulebwaakalana, khuliba ne khuterema khwe sibala buli abuundu, lundi khuliba ne njala. Bibiindu bino bili busa nga omukhasi olumwa ne buloonda.

Ne, sisiakamo ne sikhoola tawe Elomo Endayi khukhwola yilwachibwe khu baandu boosi.

Babaandu bakali bakheche mwisina liase ne baloma bali ‘Niise niye’ mala balibea babaandu bakali.

“Enywe mwabeene khukhwola mube barekeerefu. Bakhamutiile ne khumuyila mu koti, bakhamupile mu sinakooki, mukheme ebweeni we baruki ne babaami sikila ese, khubaboolela Elomo Endayi.

Babelaanga kristo ne bang'oosi be bubeeyi baleecha. Balakhola kamayia ne kamakhuwa ke khuukia khukhwenya khubea akhaba barobore ba Wele, ne kanyalikhana.

“Mu ndaalo echo siibi nesiweleo, enyanga elimaliia ne kumwesi nakwo se kulikhosia tawe, ching'enieesi chilikwa khukhwama khwikulu, ne bunyali bwe mu ngaaki mwe sibala bulirusibwa niio bubechanga.