Popular Bible Verses from LUKA 2

Share

Shichila leelo luno mwitookho lia Daudi, mwibuliilwe omuhonia wenywe, niye Kristo Omwami.

Nebutswa omumalaika oyo nababoolela, ari, “Shimularia ta! Okhuba lole, emuleereere amakhuwa amalayi akokhwikhoya akalareera omwikhoyo omukhongo khubandu boosi.

“Oluyali lube khu Nyasaye ikulu mwikulu, nakwo omulembe kube khushialo, mubandu abamuchamisinjia.”

Mana Yesu natsiililila okhukhula mumubili nende mumachesi, ne naba noluyali imbeli wa Nyasaye nende abandu boosi.

Eshilolelo eshilamumanyia amakhuwa kano njieshino mbu, mulanyoola omwana omutoro nakanyiilwe mungubo tsiabaana abatoro, ne niyalisiibwe mulwelo.”

Ne mulukongo olwo balimwo abaayi abekhalanga mushiayo eshilo shiosi nibalindanga emiruko chiabwe. Mana omumalaika owa OMWAMI Nyasaye nabaloleshela, ne oluyali olwa OMWAMI Nyasaye nilubaashila tsimbeka tsiosi. Nabo nibaria muno.