Popular Bible Verses from Akisiakinet 50

Share

Kitukitotor kolong esi ayong ngakiro naaronok, nakaneni kibele Akuj toliworos naajokak, sodi toyareta ngitunga lukaalak loger lo tokona iteeto esi akolongit naga.

Nakaneni tolimok Yosep kesi tama, “Nyieam! Esibit esi elunyokin ayong nados a Akuj a?

Warasi nyikibul. Ketani ayong esi aapei ka ngide kus.” Sodi kisian Yosep kesi niajokon totikok ngitai kech.

‘Tolimokisi Yosep atamar emaimai ayong ngesi asaki torimak talokaatokeng kotere ngakiro naaronok ka akisech nakolong asubeta ngesi, kainyo asubeta kesi ngesi ngakiro naaronok.’ Kimaimai tokona sua iyong atamar torimakinae kare cha sua ngikasubak etich a Akuj a apakon kotere naaronok kolong kisubea iyong.” Kikalou Yosep naeirarea ngakiro nguna.

Tolimok Yosep talokaatokeng tama, “Edikino tokona ayong atoani. Nakaneni ebuni Akuj ni iyakasi esi kipudo kane kiyaa nakwap nakolong echikakini Aburaam, ka Isaka, ta Yakobo.”

Ani erumor kisikong Yosep ngitunga keng tama, “Ani ebuni Akuj nikus kitoyuu, tolemasi ngakoyo kang kane kiwoko.”

Sodi totoan Yosep eraakasi ngikaru keng amiat ka ngitomon. Kiwasakis kesi akwaan keng ngikito lu nyitobosete, sodi kiwaakis nasaduku eringa eyakasi nakwap a Misiri.