Popular Bible Verses from LUKA 17

Share

Mana Yesu namuboolela ari, “Buukha otsie, obusuubilibwo bukhuhoniye.”

Ne naba nakhwonoonela okhuula musafu khunyanga ndala, ne nakhukalukhakhwo buli shise naboolanga ari, ‘Ndeshela.’ Okhoyile okhumuleshela.”

Kho mulala khubo, olwa yalola mbu wusiyiishile, yachelela, namwitsoominjia Nyasaye nomwoyo omukhongo. Yasikama hasi hamakulu ka Yesu namukhupila orio muno. Omundu oyo yali omusamaria.

Kho mwilinde abeene, omwana wenywe nakhwonoonela omuhalabile, ne naba niyekalukhasia, omuleshele.

Mana Yesu naboola ari, “Shiehoniye abandu ekhumi? Abandi shienda bakhali hena?

Omwami nabakalusia ari, “Nimwakhabeele nobusuubili butiiti shinga olufwa lwomutarakwe, mwakhabeele abanyala okhuboolela omukhuyu kuno muri ‘Siulikha otsie wirache munyanza,’ nakwo nikumuhulila.”

Omundu outeema okhuhonia obulamubwe alabukosia, naye oukosia obulamubwe alabuhonia.

Yesu naboolela abeechibe ari, “Ebiisichirasio ebichila abandu bonoone bilabaho, nebutswa ali mushilaamo shiobubi, omundu ouchila nibiikholekha! Bwakhaba obulayi okuchina okukhongo nikwakhaboyilwe mwikosilie, ne nasukunwa munyanza, okhushila mbu, achile mulala khubatuutu bano yonoone.

Shinga olwa kali mutsinyanga tsia Noa, nolwa kaliba kario mutsinyanga etsia Omwana womundu alikalukha. Mutsinyanga etsio, abandu batsiililila okhulia nende okhunywa, nabo abasaatsa nende abakhasi batsiililila okhuteshiania okhuula olwa Noa yenjila musafina. Mana omuyembo kweifula nikwitsa nikubamulula boosi pe.