Popular Bible Verses from Konesi 5

Share

Ama a Petero se ko luyökie kulye kulo waddi adi, Yi agu kodyo twöju Ŋun Iwolwoŋ ŋutu.

Perok liŋ a lepeŋat gwe a ko kö ’yu todiŋdyö i Kadi na Ŋun se ko i midijik, a tine kö ’yu tokujö na Loŋe Lo ’but adi Yesu a Masia.

Ama a Petero pije lepeŋ adi, Anania, nyo nagon Satani tojoreju töili ilot a tiŋdi do i mumulugga na Mulökötyo Loke, a do ’de ’yi kunie gurut nagon a gwöriesi ti kak kune? I ŋerot nagon do a ko nyuŋ tugwöŋu ŋina kak nu lepeŋ na a inot, a i mukök nagon do aje tugwöŋu nu, gurut kune köti a lomore inot, ’bayin sona le? Nyo nagon do yeyeju koŋdya sona konut i töili? Do a ko mumulugga ŋutu, ama do mumulugga Ŋun. A na yiŋge Anania kilo kulyaesi nu, a nye ’dorone kak a twane twan. A ŋutu liŋ lo yiŋga kine kulya kulo iŋge kujönö parik.

Soŋinana nan takiŋdya ta adi, ko konakiŋdya ta kilo ŋutu nene po, kölöki ta lepeŋat ka ’de; kogwon ko ŋina yeyeet se ko kita a ti ŋutu, a mo kakaŋi kakaŋu, ama ko se a ti Ŋun a ta mo tine bulö te ’ya kilo ŋutu, an ta ködyö ko rye a merok ti Ŋun.