Popular Bible Verses from Suluet 17

Share

A nagon Abarama gwe kökiŋajin merya buŋwan wot buŋwan nu, a MATAT puköki ko lepeŋ, a kulyani ko lepeŋ adi, Nan lo gwon a Ŋun Kabulönit lo ŋo liŋ; wöröni köyöi komor, ko gwe do a loke ’bak yuyuket.

A karin kunök mo Köti tine luŋu a Abarama, ama mo luŋu a Abarayama; kogwon nan a tiŋdu do i gwon a merenye lo juron jore.

A nan mo togwi ’dikiŋdye tomoret nio go i kiden nikaŋ ko do, se ko nyakwariat kulök lo gwon konut i mukök kilo i nyakwariat kase liŋ. ŋina tomoret a tomoret na yeŋ nyin, kweja adi nan mo gwon a Ŋun ilot ko a lo nyakwariat kulök konut i mukök kilo.

Mete, na a tomoret nio nagon nan lo teteŋdya ko do i pirit na geleŋ, a do mo gwe a monye lo jurön jore.

A Ŋun renyani adi, ’Bayin, ama nakwan inot Sara mo yuŋwekiŋdyö do ŋuro, a do mo gwije lepeŋ a Yisaka. A nan mo togwi ’dikiŋdye tomoret nio go ko lepeŋ anyen gwon a tomoret na yeŋ nyin i kulya ti nyakwariat kanyit logon mo gwon kanyit i mukök kulo.

A nan mo tiŋdi do se ko nyakwariat kulok lo gwon konut i mukök kilo, jur lo mönuŋdye do kata lu, iŋkoi, jur lo Kanana liŋ, anyen gwon a lomore lo yeŋ nyin; a nan mo gwe a Ŋun lose.

A kirut Abarayama ’dorone kak rupu, a kwenine kweni, a kulyani kanyit i töili adi, Ŋuto lo kiŋajin mia geleŋ yuyuŋweki ŋuro le? Sara nagon ko kiŋajin merya buŋwan na ŋona yuyupuŋdyö le?

A Ŋun kulyani ko Abarayama adi, A ko gwe gwoso Sarai nakwan inot, do mo koti ti luŋgu lepeŋ a Sarai, ama do mo luŋgu lepeŋ a Sara.

Ta mo tatawero i ka ’bi ’binyalan, a ŋina tawero mo gwe a kweyet na tomoret na gwon i kiden nikaŋ ko do na.

Ama a nan mo togwi ’dikiŋdye tomoret nio go ko Yisaka logon Sara mo yuyuywekin do i kiŋa lo popo gwoso i na diŋit na.

Ko ŋuro a ’dur perok budök kasu kiden i yuŋwe nanyit a mo taweroni tawero; kweja adi lunsak kasu liŋ ti nyakwariat kasu liŋ, kode se yuŋwe kasu i ’baŋin, kode ta a gwörun se ko gurut kasu i lwaka logon a leŋe ti kötumit nasu kilo ködyö tatawero. Iŋkoi, ŋwajik logon a yuŋwe kasu i ’baŋin kode ta a gwörun se ko gurut kasu kilo mo tatawero. Nyena a tomoret nio mo gwe kasu i mugunya sona a tomoret na yeŋ nyin.