Popular Bible Verses from Suluet 22

Share

Nyena a Abarayama gwije karin ti nu pirit a Yekowa-yiŋe, gwoso na kulyarikin tojo ko lo lor na adi, Titiki i mere lo MATAT.

A lepeŋ kulyani adi, Soŋinana ’du muŋdye pilili ilot lo ŋuro logon do nyanyar lo, logon a Yisaka, ko iti ta i jur lo Moria, ko wukiŋdye lepeŋ yu a rubaŋga lo ’yu ’yura i lele geleŋ lo merya logon nan mo tatakin do kulya kanyit lu.

A nye kulyani adi, Ko tanyakin könin i ŋilo ŋuro, ma ’di ko konakiŋdya lepeŋ nene ŋo, kogwon soŋinana nan a den adi do a kugga ŋun, kogwon do a ko renyakin nan ŋuro ilot logon a pilili ilot lo ŋuro lo.

A Abarayama waddi adi, Ŋuro lio, Ŋun de ryeryekin mugun kilolor lo ’yura a rubaŋga. A se liŋ murek iti tu.

nan mo ’diri ’bo ’boro do, a nan mo tuŋdije nyakwariat kulök gwoso kaser ti ki, ko gwoso sese na gwon i kijit na tör; a nyakwariat kulök mo ruddye köjinö ti merok kase, a gweyajin lio ti Ŋutu ti kak mo, mo ’yi nan i ’boroja na se gwoso na ’boroji nan nyakwariat kulök na; kogwon do a yiŋga gworo lio.

A ko gwe sona i mukök na kine kulya, a Ŋun mori Abarayama, a luŋgi lepeŋ adi, Abarayama! A lepeŋ ruŋge adi, Nan malo.

Ama a malaikatat lo MATAT luŋgi lepeŋ ki yu adi, Abarayama, Abarayama! A nye ruŋge adi, Nan malo.

Köli a malaikatat lo MATAT luŋgi Abarayama ki yu daŋ tomurek, adi, MATAT lo kulya adi, Nan a milyeju ’diŋdya mugun adi, ’Diri ’diri kogwon do a koŋdya na ŋo, a gwe a ko renyakiŋdya nan ŋuro ilot, logon a pilili ilot lo ŋuro lo

A se ko ’dure i pirit na takin Ŋun nye na, a Abaryama dibbe pirit ’yuret na rubaŋgajin nyu, a peddi kaden nyin, a toŋi ŋuro lonyit logon a Yisaka, a topirikiŋdye lepeŋ i pirit ’yuret i kaden loki.