Popular Bible Verses from Yoane 12

Share

Ko lele ŋuto ’de ’dekan kitakiŋdya nan ti lepeŋ agu ködyo kebbi nan, a i pirit na gwoŋdi nan kata nu a kölipönit liŋ koti mo gwe nyu. Ko lele ŋuto kitakiŋdya nan, a Baba mo bu ’ye lepeŋ.

Ŋuto lo nyaŋu ru nanyit lo mo totolikin ru nanyit, ama ko ŋa lo maŋdu ru nanyit i na kak, lepeŋ mo ’de ’dep tojo ko ru na yeŋ nyin.

’Diri ’diri nan takiŋdya ta adi, Ko koŋe lo ’buluti ködyö a ko ’doro kak i kujoŋ a twane twan, a nye ködyo yeŋe geleŋ sonu, ama ko a twan, a lepeŋ tore toran ’bolot jore.

Nan aje po i na kak a parara, anyen ŋutu liŋ logon a yubbö nan kilo böŋö gwon ti si ’da i mudwe.

Ko lele ŋuto a yiŋ kulyaesi kwe a tine ’dep se, nan ti ’duŋökin kulya ti lepeŋ; kogwon nan a ko po i ’duŋgö na kulya ti ŋutu ti na kak ama i lwöggu na se.

Nyena a Maria joŋdi rotolo geleŋ lo welet nake na mon ’bura nagon gwörö go, na luŋu a narada, a we ’yi mokosi ti Yesu a seji se ko kupir kanyit ti kwe. A kadi liŋ iŋge tikwe ko mon na welet.

a se gögöŋdi kenia ti kiat a iti i dodogga na lepeŋ. A se yeŋe woŋoro ki adi, Osana! Ŋuto lo po i karin ti MATAT lo ti ’boriani ’boria! Ti Mor lo Yisaraele ’boriani ’boria!

A Yesu waddi se adi, Diŋit aje ’dur nagon bulari nan Ŋuro lo ŋuto.