Popular Bible Verses from Luka 6

Share

’Doggi ta ’doŋga, a ta mo koti ’dokani ’doka. Temet na ’but nagon a ruda, ko a dodoŋaki jojo, ko a ’du ’dulu na mo ’bukoki kasu i wuyisi. Kogwon temet nagon ta yeŋ temakiŋdye kulye ŋutu na nye mo koti na temeki ’e ta.

ŋuto lo ’but topukuŋdyo kaŋo ŋo na ’but i kulya na ’but nagon a ’dela kanyit i toili kune; koti ŋuto loron topukuŋdyo kaŋo ŋo narok i kulya narok nagon a ’dela kanyit i toili kune. Kogwon kulya jore na gwon ko ŋuto i toili kune pupukun kaŋo kanyit i kutuk.

Ama nyare ta nyar merok kasu, konaki ta lepeŋat ’bura. Rukökiŋdye ta se i kuröddu na ŋo kasu, an ta ko yeŋdu ropaki; a ta mo gwe ko ’doket a duma, a ta mo gwe a ŋwajik ti Katoŋanit lo ki liŋ; kogwon nye a lo ’but i ŋutu logon ti lyotion ko ŋo nagon se a wu kune ko a lorok i toilyet kulo.

Wone ta konyen ko nutu gwoso nagon Monye losu wowon konyen na.

An ta ko lilija ta kulya ti kulye nutu, an kulya kasu mo lilia. Koti ko ’duŋökiŋdyö ta kulya ti kulye ŋutu a narok an kulya kasu mo ’duŋöki a narok. Pitöki ta kulye ŋutu, a ta mo koti pitokine pitöki.

Ama nan takiŋdya ta lo yiŋga nan kilo adi, Nyare ta nyar merok kasu, konaki ta ŋutu logon maman ta kilo ’bura, luŋgi ta ’boriet ko Ŋun i se logon lömbu ta kilo, ko momo ’yi ta lepeŋ kogwon kulya ti ŋutu logon sasaŋdu ta kilo.

Konakiŋdye ta ŋutu gwoso nagon ta ’de ’dekan adi ti se konakiŋdye ta na.

a ko lele ŋuto a naŋgu do i ŋebi, a ti do lopuköki lepeŋ lele lo köti anyen nanaŋa. A ko lele ŋuto ’dek joŋga boŋgo muit inot an do ko teŋ, ti nye joŋgi jölöbiya inot köti. Tiŋdi ŋutu liŋ logon a mo ’yu ŋo konut; an do ko wunyun kaŋo ŋo kunök i ŋuto logon a joŋga se lo.

Ködini lo ’but ’bayin logon bubulo radan ludweki lorok; koti ködini loron ’bayin logon bubulo radan ludweki lo ’but.

Kaden liŋ geleŋ geleŋ dedena i ludweki kase; kogwon ŋutu ti bulo ’deja ki ’biet i kaden logon a kikwa, koti se ti bulo ’deja ludweki ti binyo i tulyelye.