Popular Bible Verses from Otum 5

Share

Ebitru ta la are la a nyum oshpa ahwõ a tno ma a lu mi le, o raŋ o gre bi e fa olbi e da Ahogbrẽ angyiŋ nga bi e fa olbi e da arehwĩ mbo.

Nga elululum, moa a la a nye moarehwi nga moa a la a nyum Oshpaodzadzi ba Eyesu la a wo Emisiya, Anyuŋ-akulu ta la adne moare.

Ebitru a nyuŋ ŋa a lu mi le, Ahananiya, okyku eshi aŋo o da Eshitaŋ anvaŋ o daŋ a la a kpo otum eso boŋ, nga aŋo o sheŋ Ogbgaodzi akpro angyiŋ omba boŋ o fa amgbaŋ lo o ra o ghre? Omba boŋ o shri anzho lo o gbmo a wo mbo, alo a wo a boŋ. Ambla boŋ o shri lo o gbmo a mbo, alo a wo a boŋ angyiŋ. Okyku eshi aŋo o hwim eka he eso boŋ? Aŋo o sheŋ arehwĩ akpro angyiŋ mbo, ambo aŋo o sheŋ Ahogbrẽ akpro angyiŋ. Ebitru a lu odlo eka he a khwo nga, Ahananiya a tsi a gbu obiŋ nga a kpu, nga moare la a gno oshpa lo mvye a kpo eyli.

Okyku eka he ohuhuhi ame e lu e da gimi, agimi e kpo moarehwi hi akplokyeŋ mbo. Agimi e dzu mo e zga. O wo ba otum moa a kpo hi o wo ba arehwĩ angyiŋ le, alo o kpu adga. Ambo o wo ba alo o wo o ba Ahogbrẽ angyiŋ le, agimi e kpo e gbu bimi e nyom lo mbo. Agimi e nyuŋ e kpo-kpo mbo, agimi e ta eko ta la Ahogbrẽ! Moandakʼpo la a sõ ombgu lo a kpo otum ta la odlo ba Egamaliya a lu.