Popular Bible Verses from Eyohana 14

Share

Ame e dzu opyapyaŋ ba eso e zga ka la gimi. Opyapyaŋ me, ame e shri e da gimi. Ame e shri lo e da gimi eka ba obiŋ hi o shri o di mbo. Okyku eka he agimi e da eso e ngʼba gimi nga e da eso e tpi gimi ayi mbo nga e kpo eyli mbo.

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Eyesu a nyuŋ mo a lu le, Agimi e da eso e ngʼba gimi mbo, agimi e bmi ba adlidzi ta la Ahogbrẽ, nga e sa e bmi ba adlidzi pa la me.

Okpoghwo la o wo Ogbgaodzi ba Adugu á da lo o ba eshko me, ó nye gimi ekployaŋ a mbo, nga ó da gimi e tne aga ekployaŋ a mbo ba ame e lu e da gimi.

Areyaŋ a mbo la a yga odaŋ me nga a la a kpaŋ lo le, are he lo a wo la a klo me. Adugu á klo are la a la a klo me. Ame a mbo é klo ŋa nga é hwile eshyẽ me é daŋ a ka.

Ame é vẽ Ada nga aŋa á shri Okpoghwokyeŋ a da gimi. Ahi lo a wo Ogbgaodzi ba adlidzi. Aŋa á dzu ka la gimi gbagbu-amo. Obiŋ hi o kpo o gbu ba alo o yga ŋa mbo okyku eshi o kpo o gbu ba alo o ka ŋa mbo, o mbo le ba o yi ŋa mbo. Ambo agimi e yi ŋa okyku eshi aŋa a wo ka la gimi, nga á dzu eso bimi.

Nga ekployaŋ a mbo ba agimi e vẽ eshko me, ame é kpo gimi alo okyku o da mo a hlu Ada eshko okro Anwye. Agimi e vẽ ekployaŋ a mbo eshko me le, ame é kpo lo.

Eyesu a lu mi le, O wo bimi e klo me le, agimi é kpaŋ odaŋ me.

Okro o dzu ma nzenze o wo odne Adugu. Ame é yi é nyuŋ okro e kpo okyku gimi. O wo ba alo o wo eka he mbo e mbi, ame e lu eka he e da gimi mbo.

Ambla ba ame e gre e yi e nyuŋ okro e kpo okyku gimi bgu le, ame é sa é bla é ba nga é yga gimi, okyku o da gimi e dzu okro ba ame e wo ma.

Otoma a tno ŋa ma a lu mi le, Adigi-odne, agi e tspi okro boŋ o yi lo mbo, agi e kpo anyu e tspi ozhẽ lo?