Popular Bible Verses from Eyohana 6

Share

Eyesu a nyuŋ mo a lu mi le, Ame angyiŋ e wo agbrotsa ba eso. Areyaŋ a mbo la a ba okro me bgu le, embyle é kpo ŋa nga mbo ku-ku, nga are la a bmi pa la me, oŋo ó kpo ŋa ku-ku mbo.

Ogbgaodzi angyiŋ o la o shri eso o di. Ebyi egʼba sha e wo owlamakyeŋ mbo. Odlo ba ame e sheŋ e lu e da gimi o dzu Ogbgaodzi, ta la eso.

O raŋ o gre ba agimi e kpo otum okyku algo la á vre mbo, ambo agimi e kpo otum okyku algo la a shri eso ba gbagbu-amo a shri a di. Anwye Arehwi á shri edgu algo he lo á shri á di. Okyku eshi Ahogbrẽ la a wo Ada a sheŋ a bmi ka la ŋa bgu.

Eka he angyiŋ Adugu a klo, okyku o da moare mvye la a ka Anwye lo nga a bmi ka la ŋa a hwiŋ eso ba gbagbu-amo, nga ame é shri eso é da mo olum mi lo.

Eyesu a tno mo ma a lu mi le, Otum ba Ahogbrẽ a klo bimi e kpo, a klo bimi e bmi ba adlidzi ta la are baŋ a hom ŋa otum.

Areyaŋ a mbo ba Adugu a shri ŋa a da me, á ba okro me. Ame é nyom arekyeŋ la a ba okro me ku-ku nga mbo.

Esima Ebitru a tno ŋa ma a lu mi le, Adigi-odne, agi é yi okro ayi? Aŋo sha o wo odlo ba eso ba gbagbu-amo.

Ame angyiŋ e wo agbrotsa ba eso la a zgi Ongyeŋ a ba. Areyaŋ a mbo la a taŋ edgu agbrotsa he lo le, á dzu ma gbagbu-amo. Ebyi egʼba me angyiŋ e wo agbrotsa ba ame é ba e shri é daŋ. Ame é shri lo é shri é di okyku o da moarehwi ba obiŋ hi a hwiŋ eso.

Arekyeŋ a kpo a gbu baŋ a ba okro me ku-ku mbo, o wo le Ada la a hom me otum a daŋ a ba okro me dne, nga ame é daŋ a kso ongybi olum ba amom-abgo.

Agbrotsa ba Ahogbrẽ a la a shri a di, aŋa angyiŋ a wo are la a zgi Ongyeŋ a ba, nga a shri eso a da moarehwi ba obiŋ hi mvye.

Ame angyiŋ e wo agbrotsa ba eso.

Eyesu a sko agbrotsa lo a khwo nga a vye la Ahogbrẽ, nga a shri lo a gʼba moare la a dzu obiŋ. A kpo ekakahelo ta la atsa. Are-yaŋ a mbo a hwiŋ ekplo la e tse ŋa ma a ri. Ambla ba moa a ri algo a wyo nga, Eyesu a nyuŋ moanwyeotum baŋ a lu mi le, Agimi e pla ekplo la e ra e shki ibu, agimi e da lo e tpi ayi mbo.

Moanwyeotum a sheŋ a dzi amgblami eka emil etra o mbo le emil enyi bgu. Omba he lo, moa a ka Eyesu a dzi ami nga a la a ba osusku pa la mo. Eyli e kpo mo e gre eshri. Eyesu a nyuŋ mo a lu mi le, Agimi e kpo eyli mbo, ame angyiŋ!