Popular Bible Verses from Oluka 6

Share

O kpo o ghwo la moahwõ, Ahogbrẽ nga á kpo á ghwo la ŋo. Ahogbrẽ á kpo á ghwo la ŋo nzenze. Okpoghwo ba esõ-ekyekyeŋ angyiŋ aŋo ó ba o hwiŋ. Eka boŋ o kpo pa la moahwõ, ekakehelo angyiŋ moa á ba a kpo ka la ŋo.

Areodlodzi a lu odlodzi la o wo eso baŋ angyiŋ a ba edzi, nga areodlobi a lu odlobi la o wo eso baŋ angyiŋ a ba edzi. Ekplo la e zgi anyu are angyiŋ, e wo ekplo la e bli eso baŋ.

O klo moafpu ŋo, nga o kpo mo odlodzi. O kʼpo mo anzho, la aga moa á ba a bla alo á doŋ mbo. O wo boŋ o kpo eka he le, aŋo ó hwiŋ anyuŋ egbre. Nga ó dzu anwye Ahogbrẽ la a wo Esesla a gre pyeŋ, okyku eshi Ahogbrẽ a la a ka moa la a vye la ŋa mbo, pa la moa ba odlobi pyeŋ angyiŋ ayiekŋe.

O ka ayiekŋe, eka ba Adoŋ a mbo a ka ayiekŋe.

O sõ arekyeŋ ombgu mbo okyku o da Ahogbrẽ a sõ ŋo ombgu mbo. O shraŋ moahwõ mbo okyku o da Ahogbrẽ a mbo a shraŋ ŋo mbo. O kyu moahwõ abgo akpu ba moa a la a ta egi ayi boŋ, Ahogbrẽ nga á kyu ŋo abgo odlobi boŋ o kpo egi ayi baŋ.

Ambo ame e lu e da gimi la e gno odlo me. O klo moafpu ŋo, nga o kpo odzi pa la moa la a klo ŋo mbo. O fa anyuadzi o ygi moa la a la a ta anyuabi a ygi ŋo. O fa olu okyku moa la a kpo ofpu ka la ŋo.

O kpo moahwõ edgu ayakplo boŋ o klo moa a kpo ŋo.

O wo ba arekyeŋ a yla ŋo obgo agba le, o daŋ a yla ŋo agba ba oha a mbo. Nga o wo ba arekyeŋ a ngʼga anyuŋ ariga boŋ o daŋ a yga ariga atsitsi boŋ a mbo a ta ma. O kpo o ghwo areyaŋ a mbo la a vẽ ŋo emakyeŋ. Nga o wo ba arekyeŋ a sko ema boŋ le, o bla alo o yga mbo.

Esĩ aki la e wo edzi e fu agbro abi mbo. Esi aki la e wo ebi e fu agbro adzi mbo.

Moa á yi edgu esi akiyaŋ a mbo okyku edgu agbro baŋ e la e fu. Ezga e fu agbro anga mbo. Eklu nga e fu agbro etspi mbo.