Popular Bible Verses from Dimatekenu 27

Share

Nzambi a ku bhane dimume dia diulu, Ni mavu a bhana idima mu ngongo, Ni masa ni vinhu ia nzungule; Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

Izaú anga u zuela, uixi: Manhi dijina dia Jakobo ki dia mu fuama muene? Ua ngi tobhesa luiadi luosʼulu! Ua dianga ku ngi tambula o ukota uami; o kiki ua ngi tambula dingi o dibesá diami. Uixi-phe: Kifua ki kua xala dingi dibesá dia ku ngi bhana eme?

Izake, tatʼâ u mu vutuila, uixi: Eie-ze, mu kutunga, o mavu ambote ua-nda ku a xia dikanga, o dimume di tuluka ku diulu ki di ku tula ku thala ku u kala; Mu kukala, u laiela ku xibhata ié, o phangʼié u mu bhikila; Hadia-phe ki u sutunuka, ophi iê u di zula-iu mu xingu.

Izaú anga u ambela tatʼâ, uixi: Kifua dibesá dimoxi ngó di uala nadiu, phaietu tata? Ngi bhane uami dibesá, phaietu tata! Izaú anga u zangula dízui, u ta jingololo ni kudila.