Popular Bible Verses from Nzuá 15

Share

Eme ngi muxi ua muvide, enu mu jithangu. Uoso u xala mo muami, eme ni ngi xala mo muê, ió u bhana ibundu iavulu; mukonda se mua batuka ko kuami, ki mu tena kubhanga kima.

Xalenu mo muami, Eme ngi xale mo muenu. Kala thangu ki itena kuima ibundu kʼ ubheka uê, ia kambe ku di kuatenena ku muxi, kiene ue, enu ki mu tena kuima ibundu, se mua kambe kuxala mo muami.

Se mua xala mo muami, o maka mami ni ma xala mo muenu, bhingenu ioso i mua mesena, a mi bhana-iu.

Ki enu mua ngi solo eme. Maji eme nga mi solo enu, eme nga mi tumu ni muende ni kubhana ibundu, o ibundu ienu ni i nange, i kambe kuzangiua. Ni ioso ue i mu bhinga Tata mu dijina diami, muène ni a mi bhane-iu.

Kana-ku henda ia tundu iíi, se muthu u bhana muenhu uê bhu kididi kia makamba-mê.

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Kijila kiami ki nga mi bhana kienhiki: Di zodienu mudienu, kala ki nga mi zola eme.

Kiene ki bhekela athu kuximana Tata iami, se enu mua bhana ibundu iavulu, anga mu kala jinga mu jixibulu jami.

Eme ngi muxi ua muvide ua kidi, o Tata iami muène kidimakaji.

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Nga mi ambela imʼiíi, phala o kusanguluka kuami ku kale moxi dienu, o kusanguluka kuenu ku tenene.

Se mu aiuka o ijila iami, mua-ndu xala ue mu henda iami, kala eme ki ngʼ aiuka o ijila ia Tata iami, eme nga xala mu henda iê.

Kala kiki, kienhiki ki nga mi tumu eme: Di zolienu mu dienu.

Se enu mua tokalele ku mundu, o mundu ueji kuzola o kiê. Maji mukonda ki mu tokala ku mundu, mbata eme nga mi tungula ku mundu, kiene mundu ki ua mi zembela.