Popular Bible Verses from Luka 17

Share

Anga Jezú u mu ambela, uixi: Balumuka, uié. O kuxikana kué, kuene kua ku bhana o ku di sanza.

Né ua ku te kituxi lusambuadi ku kizuua, anga uiza kó-kuê lusambuadi, uixi: Nga diela, u mu loloka.

Muthu umoxi, mukua Samádia, kia di mono kuma ueluka, u vutuka kua tundu, hé u kala mù ximana Nzambi ni dízui dia zangumuka. Anga uiza u fukama ni pholo bhoxi, bhu inama ia Jezú, hé u mu sakidila.

Di langienu! Phangʼié se ua ku te kituxi, u mu bazela. Se ua diela, u mu loloka.

Jezú anga u kumbulula, uixi: Abha, o dikuinhi dioso ki dieluka? O dívua-phe, dia xala kuebhi?

Ngana uixi: Se mua kexile ni kuxikana kua soko ni lumbundu lua masangu, mueji kuambela muxi iú ua mukuzu: Tukuka bhabha, ua kà di phaphe mu ʼalunga! Uene-phe uejú mi tumaka.

Uoso u sota kukondeka o muenhu uê, ua-nda ku u texi. O uoso-phe u texi o muenhu uê, ua kà u bhulula.

Jezú anga uambela jixibulu jê, uixi: O ibhukanu i tesa athu ituxi, ki i kambe kuiza muene. Maji kokolo dia muthu uoso u i bheka, anga u bhangesa kuila ima iíi i bhita. Ki fuama o ku mu nhenga kiditadi kia ku huhila mu xingu, ni ku mu takula mu ʼalunga; kuma ki ki fuama kuila ku tuana tutu u bhangesa-ku kamoxi ngó ku di bhukana, anga u ta kituxi.

Kala ki kia bhitile mu izuua ia Noué, kiene ue kia kà bhita mu izuua ia Monʼ a Muthu. Athu oso à kala mú kúdia, à kala mu kúnua; mala ni ahatu a sakana, a bhana mu kusakana, katé kizuua kia bokona Noué mu álaka. Anga dilúviu diza, di a buidisa ene oso.