Popular Bible Verses from Loma 2

Share

Maji eie u muthu ua kime uaka mù kuêlesa o athu a bhanga imʼ íii, eie-muène ue iene i ualù bhanga! Ua fika kuma eie-muène u bhulaka mu kufundisa kua Nzambi? Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Kienʼ iki, eie u muthu ua kime, uala mù kuêlesa akuenu? Kiosokioso ki u kalé, eie-muène ue ku lungu. Mukonda kioso ki u êlesa mukuenu, eie ue anga u kuata kubhanga ima iene imoxi, ua di êlesa eie-muène.

Mukonda kua Nzambi ki kuene katungu ka athu.

Kuma oso evui a Kitumu, ki ene a lunga kua Nzambi; maji oso atumaka, a bhanga kia tumu o Kitumu, ene a lunga.

Kuma muène ua kà uanena athu oso kala kia tokala mu imbamba iâ ia bhanga jinga.

Maji ua kà lunduluila o njinda iê ni kaxtiku kê ku thandu dia oso-phe akua luimbi, o kubhanga o mbote a ku tokoka, anga enda ni kukaiela ioso iaiibha.

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.