Popular Bible Verses from Hch 2

Share

Niptinmi Pedro: “Mana allin lulayniquicunapi wanacul ‘Juchäcunacta pampachaycallämay. Cananpïtá Salbacü Jesuspa uywayninñam caśhä’ nilcul bawtisachiculcay. Jinaptiquim Diosninchic quiquinpa Chuya Ispiritunta uycälishunqui.

Chaypïtañatacmi puydï yaćhapacücunäpa yaćhachishanta masïsu chalalal atichipäcula. Chaynütacmi juc-yupaylla cawsapäcula, wäćhanaculcälapis, jinaman Diosta mañacümi capäculapis.

Jinaptinmi Chuya Ispiritu duyñuchacüluptin mana lisishan limaycunacta shimin paćhyachila.

Chaynu cayalcaptinmi altu sïlüpi un'aypi ji'alpämun manchachicuy bintup sumbayninnu bululunyaśhtin. Chayćhümi juntuläśhan wasïta bululunyayca ñiticalpula. Jinaptinmi ninap sumbayninnu licalilcamul wichicacüla aycam chayćhu cäcäpa janäninman. Jinaptinmi Chuya Ispiritu duyñuchacüluptin mana lisishan limaycunacta shimin paćhyachila.

Chaynüpam juc-yupaylla capäcula. Chaymi llapanpis muyun-muyun Diospa chuya wasinpa patyuncunaćhu juntunaculcäla Diosta alawaculcänanpä. Chaynütacmi wasincunaćhüpis cumbidanacul lluypis cushisha-cama Diosta anradisicul micapäcula. Lluy caycunacta lulapäcuśhanpam malcantin nunacunäpis alawapäcula. Chayćhümi muyun muyunpis Tayta Dios munacuśhanmannuy chalapacünincunacta milachila.

‘Tayta Diosninchicmi caynüta nin: “Camacä timpucunaćhu Ispiritütam caćhalpämuśhä jinantin allpäćhu cä nunacunäman. Jinaycuptïmi amcunap wawiquicuna chuliquicuna ya'a partipi liman'a. Llapa müsucunäñatacmi licchayal ya'a cüsapïta lican'a. Awquishcunäñatacmi suyñuynincunaćhu ya'api yaćhapäcun'a.

Chayćhümi ima cänincunactapis llapallan camachinaculcäla. Jinamanmi cänincunacta lanticulcul pishipacünincunawan'a camachinacaycälila.

Ñatac ya'acta lluy ayacamäcunämi salbaycuśha capäcun'a” ’ nil.

Taytayqui manaläpis cutilmi chay jatun llaquicuy muyunćhu altu sïlućhu imacunactapis ya'a licachishayqui. Chayćhümi intïpis wañun'a. Quilläpis yawarmannuy muyun'a. Cay allpäćhüñatacmi yawarlla, ninalla, pucutaynu untaylla cacun'a.