Popular Bible Verses from Yokana 16

Share

Ango atieko waco ne wu kop noni tetekeny ibedunu tie kede mulem i ango. Ibinunu bedo kede peko i piny kan, do diunu cunyu; ango atieko lono piny.”

Kame Tipo kame nyuto ateni obino, en ebino telo wu i gi dedede me ateni, pien likame ebino yamo kede akarunikin mere kene, do en ebino tuco ne wu kop me anyim.

Tuno nan pwodi likame ikwaunu gimoro i nyinga; kwaunu, ibinunu udo, me wek ibedunu kede kilel kame romo.

Bed bala kamano da, atie waco ne wu kop me ateni be, eber ne wu ka ango aoto; pien ka likame aoto, Ngakony likame oyaro bino butu, do ka ango aoto, abino cwane butu. Kame etuno, en ebino mino jo me piny kan bedo kede niang aber i kom kop kame mako dub kede poore kede ngolo kop

Aso nan wuda itienu kede cwercuny, do ango abino bobo neno wu di cunyu ko bino doko yom; doko likame tie ngatamoro kame bino kwanyo kilel wu kibutu. “Kame ceng nono otuno, likame ibinunu penya gimoro. Ateteni awaco ne wu be, ka ikwaunu gimoroni kibut Papa i nyinga, en ebino mino wu.

Ateteni, awaco ne wu be, ibinunu koko kede iturur, do piny bino lelo; ibinunu bedo kede cwercuny, do cwercunyu bino lokere doko kilel.