Popular Bible Verses from KULOVOKA 2

Share

Kalunga evwile kukemena cavo, kaha Kalunga anukile luxiko lwe­nyi alixikile naApalahama naIsaka naYakova. Kalunga amwene vana vaIsalele, kaha Kalunga avatacikijile.

Kaha casolokele, omu mwahicile makumbi aze amavulu, mwangana waEjipitu afwile. Kaha vana vaIsalele valixiximwinenga haundungo wavo, vatetele, kaha miteto yavo yahetele mwilu muli Kalunga haundungo wavo.

Uze mwana azovolokele, kaha amutwalile kuli mwanaFwalo, ngoco alingile kupwa mwanenyi. Amulukile lijina lyenyi ngwenyi, Mose, ambile ngwenyi, Mwomwo ngwamuzambwile mumeya, xikaho.

MwanaFwalo amwambile ngwe­nyi, Yako nayou mwana, ungwamwixilengayo, kaha nangukakuhana fweto yove. Uze pwevo amutambwile mwana, amwamwixilenga.

MwanaFwalo wapwevo ejile nakusana kukalwiji, kaha vandungo jenyi vamapwevo vatambukile ku­ngenge yakalwiji. MwanaFwalo amwene mutonga uli mumahongo, atumine ndungo yenyi kuusaka.

Kaha casolokele hamakumbi aze, omu alingile Mose hanakulu lyehi, alovokele nakuya kuli vausoko we­nyi, atalile viteli vyavo. Kaha amwe­ne kaEjipitu apwile nakuveta ka­Hepeleu, kausoko wenyi. Atalile noku noku, kaha haku­mona ngwenyi, mutu wauciko, ajihile uze kaEjipitu, amuvumbikile mumusekeseke.