Popular Bible Verses from KULOVOKA 9

Share

Oloze camwenemwene hakiko vene ngunakufumakanyixila, ma­ngana ngukakusolwele ngolo jami, kaha mangana vakambulule lijina lyami hamavu hosena.

Yehova ambile kuli Mose ngwe­nyi, Ingila muli Fwalo, umwa­mbulile ngwove, Yehova Kalunga kavaHepeleu nambe ngwenyi, Su­wula vatu jami mangana vakangu­zacile.

Mwomwo kaci ngunolola lyehi livoko lyami nakumiveta navatu jove namusongo wacihita, kaha nawa kaci unatoko lyehi hamavu.

tala, livoko lyaYehova lili havimuna jove vali muvipapa, nahali tuvalu, nahali vimbulu, nahali va­ngamela, nahamautanga avangombe, nahamautanga avimuna vavandende, nakupwa musongo wakulitambwisa waupi cikuma. Yehova mwahandununa mukaci kavimuna javalsalele navimuna va­muEjipitu, kuli ava vavana vaIsalele kakwexi kufwa cipwe umweko.

Tala, hamene nganoholili nangunokesa vula yamalolwa yayinene mateli, kanda vamone lyehi yangacize kuEjipitu kufumisa kulikumbi lize vaputukile kutunga lifuci pala­nga noholili. Xikaho jino tuma vatu, anguhwisako wingise vimuna jove, navosenovo uli navo muvipapa. Mwomwo vatu vosena natunyama vosena vaze navawana muvipapa, vaze navazeneka kuneha muzuvo, vula yamalolwa nayivanokela, kaha hinavafwa.

Nawalumuka kupwa lukungu lwalupululu mulifuci lyaEjipitu lyosena, kaha nalupwa mahute akulitumbukila nakujimbasana nahali vatu na­hali tunyama mulifuci lyaEjipitu lyosena. Vatapwile wuto wakulilungu, Vemanyine kumeso aFwalo. Mose aulakumwine kutalisa kwilu, kaha walumukile kupwa mahute akulitumbukila nakujimbasana hali vatu nahali tunyama.