Popular Bible Verses from KUPUTUKA 28

Share

Kaha tala, Ami nguli nayove ha­mwe, nangukulamanga kwexokwo naukaya, nangukakuneha ceka kuli­fuci lino. Mwomwo kangwexi kukakusezako, palanga nomu ngunalingi eci ngunakuvulukila.

Kaha tala, Yehova emanyine he­lu lyayo, amwambile ngwenyi, Ami yami Yehova Kalunga kaiso Apala­hama, Kalunga kaIsaka. Lifuci eli uli nakusavala nangukakuhanalyo navaka-tanga yove.

Yakova atonene kutulo twenyi, alyambile ngwenyi, Camwenemwene Yehova ali kuno, kahami kangwacitacikijileko.

Yakova alixingile ngwenyi, Kaci nge Kalunga mwapwa nayami ha­mwe nakungulamanga mujila yino nguli nakuya, nakunguhana kulya ngulyenga nakuvwala nguvwale, mangana ngukeze ceka kuzuvo yatata nakeke, kaci nge Yehova mwapwa Kalunga kami, kaha lilolwa lino ngunemika nalikapwa zuvo yaKalunga, kaha ku­vyuma vyosenovyo naukanguhana, Camwenemwene nangukakuhanako vyakusokesa mumakumi.

Vaka-tanga yove navakavula nge lukungu lwahamavu. Ove naukazevumuka nakumuyakumbi nakumwizakumbi nakunote nakusulo. Kaha muli ove namutanga yove vaka-jitanga jahamavu josena navaka­mona kutokwa.

Alukile kuze ngwenyi, kuMbetele. Oloze hakulivanga lijina lyali­mbo lize lyapwile Luze.