Popular Bible Verses from KUPUTUKA 39

Share

Yehova apwile naYosefwe, ngoco ikiye apwile muka-kufukisa, kaha atwamine muzuvo yakaka yenyi uze kaEjipitu.

Vyuma vyenyi vyosena avihanyine mumavoko aYosefwe. Katacikijile cuma apwile naco cimweko, xina kulya cenyi kaha alilenga. Yosefwe apwile wamwaza kumujimba wenyi nakumeso enyi nawa.

Mwata wakamenga ahanyine va­funge vosena vaze vapwile muka­menga mulivoko lyaYosefwe. Kaha vyexovyo valingile muze, ikiye apwile muka-kuvilinga.

Kaka yaYosefwe amukwacile, amusokelele mukamenga, muze vasokelelenga vafunge jamwangana. Ngoco apwilenga muze mukamenga. Oloze Yehova apwilenga na­Yosefwe, amutetelele, amuwanyixile likoji kumeso amwata wakamenga.

Kaha casolokele hakukumisa vyu­mevi, pwevo lyakaka yenyi atalile meso enyi kuli Yosefwe, amwambile ngwenyi, Tusavale nayami. Oloze ikiye akanyine, ambile kuli pwevo lyakaka yenyi ngwenyi, Ta­la, kaka yami katacikijile vyuma nguli navyo muzuvoko, kaha na­hane vyuma vyenyi vyosena muma­voko ami. Muzuvo muno kanguhambakanamiko. Kanguminyine cuma cipwe cimweko, xinove kaha, mwomwo unapu upwevo lyenyi. Nyi nanguhasa ngacilihi kulinga kupihya kana cacinene nakuvulumuna kuli Kalu­nga?

Kaha casolokele, halikumbi li­mwe Yosefwe engilile muzuvo azate milimo yenyi, kamwapwile malunga vakuzuvo vekako. Uze pwevo amukwacile kulihina lyenyi ngwenyi, Tusavale nayami. Ikiye asezele lihina lyenyi mulivoko lyapwevo, acinyine, alovokelemo.