Popular Bible Verses from YOWANO 1

Share

Oloze vexovo vamwitavilile avahanyine ngolo jakupwa vana vaKalunga, vaze vene vaka-kwitava kulijina lyenyi.

Hakuputuka Lizu kulyapwilenga, kaha Lizu lyapwilenga naKalunga hamwe, kaha Lizu lyapwilenga Kalunga.

Musana kana weji kumunyikanga mumilima, oloze milima kayakwacile hamusanako.

Lizu lyalitengekele kupwa wacisemwa cahamavu, atwaminenga muli etu (kaha upahu wenyi twaumwene, upahu kana waMwana umwe kaha lyamunwe kuli Ise), apwilenga wakuzala nalikoji namucano.

Vyuma vyosena vavitengele muli Ikiye, kaha kakwexi cuma cakutenga nacimwe pimbi vatengele cakuzeneka Ikiyeko. Muli Ikiye mwapwilenga kuyoya, kaha kuyoya kana capwilenga musana wavatu.

Hakuca Yowano himwamumona Yesu ali nakwiza kuli ikiye, kaha himwamba ngwenyi, Talenu, Ou Mwanamukoko waKalunga, Ou mwafumisa xili yavaka-mavu!

Apwile hamavu, kaha mavu vawatengele muli Ikiye, oloze vakamavu kavamutacikijile Ikiyeko. Ejile kuvyuma vyenyivene, kaha vaze vapwile venyIvene kavamwitavilile Ikiyeko.

Musana wamucano kuwapwile, ou weji kumunyikanga vatu vosena, wapwile nakwiza hamavu.

Mwomwo Jiximbi vajihanyine muli Mose, oloze likoji namucano vyejile muli Yesu Kulixitu.