Popular Bible Verses from YOWANO 13

Share

Nangumihana luximbi lwaluhya, mangana ngwami, mulizangenga navakwenu nganomu ngunamizangilenu, mangana nenu nawa mulizangenga navakwenu. Hakiko vene navakatacikijila vatu vosena ngwavo, enu mwapwa mutumbaji twami, kaci nge muli nakulizanga navakwenu.

Kaha kaci nge Ami Mwata Ami Muka-kunangula ngunamisanyisa lyehi enu kumahinji enu, jino catela kuli enu nayenu nawa kulisanyisa navakwenu kumahinji enu. Mwomwo ngunamilweze caku-talilaho, mangana nayenu nawa mukalingengomu ngunalingilAmi kuli enu.

Yesu amukumbulwile ngwenyi, Eci nguli nakulingAmi, ove kawacitacikijile oholiliko, oloze kulutwe numba ukacitacikize.

Camwenemwene, camwenemwene, nangumilweza ngwami, Ndungo kexi kuhambakana kaka yenyiko, cipwe ou vanatumu kexi kuhambakanou namutumuko.

Kaci nge munatacikiza vyuma kana, kaha namutokwa hakuvilinganga.

himwakatuka kukulya, himwazula kuvwala cenyi, himwakwata litwai nakulijicikalyo. Kaha himwahingunwina meya hambaxiva, himwaputuka kusanyisa mahinji atumbaji twenyi nakuwahunda nalitwai lize alijicikile.