Popular Bible Verses from YOWANO 19

Share

Kahomu alingile Yesu hanavitambula lyehi vize vinyo vingangamina ambile ngwenyi, Cinahu. Kaha azewile mutwe wenyi, ecele xipilitu yenyi.

Vyumevi hakukuma, Yesu hakutacikiza ngwenyi, Vyuma vyosena vinahu jino, mangana Mazuvasoneka alumbunuke, ambile ngwenyi, Nguli nalipwila.

Kaha Yesu hakumona naye nakambaji uze vazangilenga kuli Yesu nemana, ambile kuli naye ngwenyi, Ove pwevo, tala mwanove ou! Himwamwamba nawa uze kambaji kenyi ngwenyi, Tala noko ou! Kaha kufumisa kulwola luze uze kambaji kenyi amutwalile kumahyenyi.

Oloze hakuheta kuli Yesu, hakumumona ngwavo, nafu lyehi, kavahokwele mahinji enyiko. Oloze kuli vaze maswalale umwe amutuvile likunga kuluhaci, kaha linwomu kwalovokele manyinga nameya.

Mwomwo vyuma kana vyasolokele mangana Mazu-vasoneka alumbunuke ngwavo, Kavexi kuhokola cifuhwa cenyi cipwe cimweko. Kaha ceka nawa lizu lyeka vasoneka Unambe ngwalyo, Navakamutala uze vatuvile.

Jino vamutwalile Yesu, kaha hakulimbacila kulusu yenyi alovokele ayile kuma kuze vavuluka ngwavo, Kukayoya, mulilimi lyavaHepeleu vamba ngwavo, KuNgolongota.

Maswalale vavinjile mucama wamingonga, vamuvwikilewo kumutwe wenyi, kaha vamuvwikile cikovelo cicila.