Popular Bible Verses from Hechos 1

Share

Peru tsaynö kaptinpis Espíritu Santu qamkunaman shamuptinmi poderninta chaskiyanki. Chaskiskirnam willakuynïta willakuyanki Jerusalénchö, entëru Judeachö, Samariachö y maytsay markakunachöpis>>.

Jesúsnam nirqan: <<Tsaykunataqa manam musyayänaykitsu. Imay junaq imay höra tsaykuna päsananpaq kanqantaqa Dios Yayallam musyan. Payllam poderyuq kaykan munanqan höra tsaykunata rurananpaq.

Apostolninkunawan kaykarmi Jesús nirqan: <<Willayanqaqnöllam prometiyäshunqaykita Taytä kachamunqa. Tsayta manaraq chaskirqa Jerusalénpita ama aywakuyankiraqtsu. Juanqa yakullawanmi bautizarqan. Peru qamkunam sïqa Espíritu Santuwan bautizashqa kayanki. Bautizashqa kayänaykipaq wallka junaqllanam faltan>>.

Wañunqanpita kawaskamurmi chusku chunka (40) junaqyaq paykunata yuripurqan. Rasunpa kawamunqanta creyiyänanpaqmi tukuynöpa tantiyatsirqan. Tsaynöllam Dios Yayapa mandakuyninpaqpis shumaq tantiyatsirqan.

Tsaynö parlayta ushaskirmi pallarikar qallaykurqan. Rikaraykäyaptinmi pukutay tsapaskiptin illakaskirqan.

Tsaynö kaykäyaptinmi yuraq llatapashqa ishkay runakuna illaqpita yuriskir niyarqan: <<Galilea runakuna, ¿imanirtan ciëlupa rikaraykäyanki? Puntaykikunapita ciëluman aywanqannöllam Jesús yapay kutimunqa>>.