Popular Bible Verses from Juan 6

Share

Jesúsnam nirqan: <<Noqam kawatsikuq tanta kä. Noqata chaskimaq kaqqa manam ni imaypis mallaqanqatsu ni yakunanqatsu.

Manam pipis kikinllapitatsu mana ushakaq kawayta tarin, sinöqa Espïritupitam. Noqa yachatsikunqäqa Espíritu Santupita karmi mana ushakaq kawayta qarayäshunaykipaq kaykan.

Ama ushakaq mikuyllapaqqa aruyaytsu, sinöqa imayyaqpis kawatsikuq mikuyta tariyänaykipaq aruyay. Tsay mikuytaqa Runapa Tsurinmi qarayäshunki. Tsaypaqmi Dios Yaya kachamushqa>>.

Paymi munan llapanpis Tsurinman creyiqkuna mana ushakaq kawayta tariyänanta. Paykunatam día del juiciuchö kawatsimushaq>>.

Jesúsnam nirqan: <<Dios Yayapa aruyninqa kachamunqanman creyikuyanqaykim>>.

<<Taytä qaramanqan runakunaqa llapanmi chaskiyäman. Chaskimaq kaqkunataqa manam pitapis qarqushaqtsu.

Tsaynö niptinmi Simón Pedro nirqan: <<Taytay, qampita mas jukqa manam ni pipis qatiräyänäpaq kantsu. Ninqaykikunaqa mana ushakaq kawayta tariyänäpaqmi kaykan.

Noqam ciëlupita shamuq kawaq tanta kä. Pipis kay tantata mikuq kaqqa mana ushakaq kawaytam tarinqa. Kay tantaqa kikïpa cuerpümi. Runakuna mana ushakaq kawayta tariyänanpaqmi cuerpüta sacrificiutanö Dios Yayaman entregashaq>>.

Kachamaqnï Taytä mana tantiyatsiptinqa manam ni pipis chaskimanmantsu. Chaskimaq kaqkunatam día del juiciuchö kawatsimushaq.

Tsay tantaqa ciëlupita shamuq runam. Paymi pïmaytapis mana ushakaq kawayta qaranqa>>.

<<Noqam kawatsikuq tanta kä.

Tsay pitsqa tantata Jesús aptarkurmi Dios Yayata mañakur agradëcikurqan. Jamaykaq runakunatanam [discïpulunkuna] aypuyarqan. Tsaynöllam pescädutapis aypuyarqan. Aypuyaptinmi llapan pacha junta mikuyarqan. Runakuna mikuskiyaptinnam discïpulunkunata nirqan: <<Llapan sobraqkunata qoriyämuy. Ama imatapis perditsishuntsu>>.

Tsaypita juk lëwatanöna aywaykarnam Jesústa rikaskiyarqan yaku jananpa paykuna kaqman shamuykaqta. Tsayta rikaskirmi alläpa mantsakäyarqan. Tsaymi Jesús nirqan: <<¡Noqam kä! ¡Ama mantsakäyaytsu!>>