Popular Bible Verses from Lucas 23

Share

[Jesúsnam nirqan: <<Taytallä, kay runakunata perdonaykuy. Manam ni imata ruraykäyanqantapis musyayantsu>>.] Soldädukunanam Jesúspa llatapanta apayänanpaq sortiyayarqan.

Jesúsnam nirqan: <<Rasun kaqtam niq: Kananpitaqa noqawanmi paraísuchö kanki>>.

Tsaypitanam Jesústa nirqan: <<Mandakuynikichö kaykar noqalläta yarpaykallämanki>>.

Jesúsnam qayaraypa nirqan: <<¡Taytallä! ¡Makikimanmi almalläta churaykamü!>> Tsaynö niskirnam wañuskirqan.

Calavëra niyanqan sitiuman chaykatsirmi Jesústa crucificäyarqan. Apayanqan jutsasapakunatam jukaqta derëcha lädunman y jukaqtana itsuq lädunman crucificäyarqan.

Pullan junaqpita las tresyaqmi patsa tutapaskirqan. Rupaypis manam atsikyarqantsu. Tsay höram templu rurinchö cortïnapis pullanpa rachiskirqan.

Tsaykunata rikaykurmi soldädukunapa capitannin Dios Yayata alabar nirqan: <<¡Rasunpam kay runaqa jutsannaq kashqa!>>