Popular Bible Verses from Yohana 19

Share

Aho Yesu wamala kwanukula bugota bululu, uhaya giki, Gwashilaga lulu: Winamya ntwe gwakwe, winha ko moyo gwakwe.

Hanuma ya yeniyi, Yesu iki umana giki, yose yashikilijiwagwa, ugwaandikwa gushikilijiwe, uhaya giki, Nakolwa nota.

Aho Yesu umona nina, na nghemba uyo antogilwe imilile hihi, ungʼwila nina giki, Nkima, nolage ngʼwana wako. Hunaho ungʼwila nghemba ngʼwenuyo giki, Nolage noko. Na kufuma ikanza lyenilo nghemba ngʼwenuyo untwala nkima uyo ku ngʼwakwe.

Aliyo aho bushika hali Yesu, bubona giki, wamala kucha, bali batugabinza magulu gakwe; Aliyo umo wa bashilikale unchima ichimu mu mbazu, haho na baho gufuma mo mininga na minzi.

Iki yeniyi yali yubiza ho ugwaandikwa gushikilijiwe giki, Iguha lyakwe litalabinzwa nulu limo yaya. Na hangi ugwaandikwa gungi uguhaya giki, Balanola Uyo bakanchima.

Nanghwe wibukija nsalaba gwakwe, utuma uja kwipande likitanagwa giki, Ha lupanga, ilikitanagwa mu Kihebrania giki, Golgotha

Bashilikale nabo buluka ngikili ya mihwa, bunzwika ku ntwe, hangi bunzwika na kizwalo chaza; bubyungʼwegela