Popular Bible Verses from Matayo 13

Share

Uyo wali ubiwa ha si ya wiza, uyu ali ngʼwenuyo akwigwaga mhayo ugwitegeleja; uyo nghana akutwajaga matwajo, umo igana, na ungi makumi atandatu, na ungi makumi adatu.

Uyo wali ubiwa mu mihwa, uyu ali ngʼwenuyo akwigwaga mhayo, na mayanga ga si, na bulembalembi wa sabo, shugushita u mhayo, nago gututwaja matwajo.

Aho munhu ose wigwa mhayo gwa butemi na atugwitegeleja, huna wiza u mi na ugupula mhayo ugwali gubiwa mu ngholo yakwe. Uyu ali ngʼwenuyo uwali ubiwa ha nzila.

Aliyo uyo wali ubiwa ha ipande lya mawe, uyu ali ngʼwenuyo akwigwaga mhayo, ugwanukula wangu na kuyega; Nanghwe ati na nji mugati yakwe, aliyo ushinga kakanza; hunaho aho makoye gilonga na kunyajanyajiwa kulwa mhayo haho na haho wipama.

Hangi butemi wa ngʼwigulu wikolile na busabi ububisile mu ngunda; ubo munhu aho ubukunga ububisa; na kulwa kubuyegela, uja ujinja shose isho ali nasho, na ugula ngunda gwenuyo.

Aliyo jingi jugwa ha si ya wiza, na juhola mbeke, jingi igana, jingi makumi atandatu, na jingi makumi adatu.

Jilekagi jose jikule bubili wajo kushisha ku magesa; na mu shiku ja magesa nalabawila bagesi giki, Jidubulagi mo tame i pungu ja ngano, mujitunge maganda maganda, jipemve; aliyo ngano mujikuminge ngʼwibikilo lyane.