Popular Bible Verses from Matayo 5

Share

Nulu batubacha tala, na kuyituula igubanikigije na ikililijo, aliyo kuyituula ha ikindikilo lya tala; na yubakila bose abali mu numba. Giko isana lyingʼwe lyakage ku butongi wa banhu; babone Shitwa shingʼwe sha wiza, bankuje Singʼwe ali ngʼwigulu.

Bingʼwe muli isana lya ba mu si. Nzengo ugwazengwa ha lugulu gutudula kushikijiwa.

Bali ba lubango a bela mu ngholo: iki benabo balamona Mulungu.

Bali ba lubango abakutubaga na kukolwa nota kukumbula butungilija: iki benabo baligutiwa.

Aliyo Nene namuwila giki, Batogagwi banishi bingʼwe, basungulilagi lubango abamuzuma, bitilagi chiza abamukolwa, balombelagi abalingʼwikomya na abamuluhyaluhya

Bali ba lubango a bahabi ba mu moyo: iki butemi wa ngʼwigulu wene wabo.

Bali ba lubango a babeja ba mhola: iki aho balitanwa bana ba Mulungu.

Bali ba lubango abali na bupina: iki benabo balalungujiwa.

Bali ba lubango abaluhiwagwa kulwa nguno ya butungilija: iki butemi wa ngʼwigulu wene wabo.

Bali ba lubango abakuchilaga kigongo: iki benabo balachilwa kigongo.

Muli ba lubango bingʼwe aho banhu balamusukilija, na kumuluhya, na kumuhaya mihayo yose ya bubi mu bulomolomo, kulwa nguno yane. Yegagi, sangabalagi no: iki mhela yingʼwe ili nhale no ngʼwigulu; iki giko bali bubaluhyaluhya bahangi abali batonga, aho bingʼwe mutali.

Bali ba lubango a bafula: iki benabo batingila si.

Bingʼwe muli munu gwa si: aliyo ulu munu gwasukaga, gulanoniwe na ki? Gutigelile hangi ku nimo gose aliyo kuponyiwa hanze na kupandagilwa na banhu.

Kulwa iyo bizagi bashikanu, gitumo Singʼwe ali ngʼwigulu ah nshikanu.

Aliyo kilungalungile chingʼwe kibize, Ee, ee; Yaya, yaya: iki yose iyukila iyi yafuma kuli uyo mi. Ishigelile ku banishi

Ngʼwigwaga gwali guhayiwa giki, Liso kulwa liso, na lino kulwa lino: Aliyo Nene namuwila giki, Mutizilwisha na uyo wa bubi; aliyo munhu ose uyo akukupala lupi ha itama lya bulyo, ungalukije na lingi.

Ulu liso lyako lya bulyo lyukwipamya, ulikobole mo, na uliponye kule na bebe: iki ili hambuhambu kuli bebe, ibudika limo lya mabudika gako likenaguke, kutinda mili gwako gose kuponyiwa mu Gehena. Na ulu nkono gwako gwa bulyo gukwipamya, ugubute, na uguponye kule na bebe: iki ili hambuhambu kuli bebe ibudika limo lya mabudika gako likenaguke, kutinda mili gwako gose kuponyiwa mu Gehena.