Popular Bible Verses from Etsha wa Atumami 1

Share

Keli nyu nyayulungula wulu lamʼayuya Nyuma kʼOlolo le nyu. Nyu nyayuyala emenyi ami lu Jerusalema, lu Judiya tshe la Samariya edja ndu lʼekumelu ka kete.

Ndi akâkaluya diui ati: Aha dikambu dianyu dia mbeya tena kana enonyi wakashikike Papa lu wulu andi.

Lamʼakandasangana kame la wo, ndi akakokomiya ati: Tanyumoki uma la Jerusalema, keli nyukungi daka dia Papa, diakanyuki uma le mi. Ne dia Joani akabatizaka lʼashi, keli nyu nyayubatizama la Nyuma kʼOlolo, aha nshi efula umaka kakiane.

Le waku wakandayaenya la lumu lʼokongo wʼasui andi uma lu ahimbelu efula. Ndi akenama le wo yediko ya nshi akumi anei. Ndi akataka akambu wa diulelu dia Unyashungu.

Lamʼakandashili mvuta aui aso, lamʼakawawendaka, ndi akosama utsha lʼulungu. Dingi diakulungula uma lu ashu awo.

Lʼetena kakawendaka utsha lʼulungu tee, lamʼakandatatshokaka, nyulungi, apami ahendi wolotshi ahondo wa wema, wakemala lasuki la wo. Vo wakati vati: Nyu asi Ngalili, dikambu kuna diemalanyu, ku mendaka lʼulungu? Jesu one, lambosama lʼulungu uma le nyu, ayuya wuhu ako, uku awenanyu atatshu utsha lʼulungu.