Popular Bible Verses from Joani 19

Share

Lamʼakalete Jesu wanu wʼukayi, ndi akati ati: Ambushila. Ku ndi akakole ote, akakitshiya.

Lʼokongo diku, Jesu akeyi ati: Kakiane akambu tshe wambushila (dia diui diʼafundelu nshidiyama), ndi akati ati: Dimi la pusa.

Lamʼakenyi Jesu nyangu la umbeki wakandalangaka wemadi lasuki, ndi akatela nyangu ati: Umuntu, enda Onʼaye! Ku ndi akatela umbeki ati: Enda nyo! Umaka etena keso, umbeki ako akawose lakandi.

Keli lamʼakawayi le Jesu, vo wakenyi vati: Ndi ambushila mvo. Okone vo kumbokola ekulu. Dimbi dimotshi akuhiki dikonga lu luhandju, kema edja dikila la ashi wakatumbi.

Akambu aso wakayala ne dia diui diʼafundelu nshidiyama ati: Nduku weka andi wayoko. Ntu afundelu kekina ambuta ati: Vo wayenda one lakawahiki dikonga.

Vo wakose Jesu. Ndi akatumbi ayembe utamba andi a mpeketanya utsha lu dihuli dietawo vati: Dihuli dia Lombo, lʼoteketa wʼasi Heberu ati: Ngolongota.

Alimbi wakele dembo dia kusu diʼatende, wakulimbedio lʼote, wakolotsha ukutu wa tilili.