Popular Bible Verses from LUKA 12

Share

Oco ene, liangiliyi. Momo Mõlomanu iya kola ka wa simili.

Sandi puãi Usoma wa Suku, kuenje ovina evi viosi viu vokiyiwi.

Kuenje wa popia lavo hati, Lunguki kuenda liuviki kocipululu cosi, momo omunu, ndaño ohuasi enene, haimo omuenyo waye ko fukile.

Momo oko ku kasi ukuasi wene, haiko ku kalavo utima wene.

Helie pokati kene o tẽla oku vokiya ukeya kutunga waye omo u kuetele ohele.

Kuenje wa popia lolondonge viaye hati, Oco, mopia lene siti, Ko ka kali lohele yomuenyo wene, hoti, Tu lia nye? ndaño yetimba liene hoti, Tu wala nye?

Puãi ndaño esinga liovovitue viene lia tendiwa liosi. Ko ka kali lusumba. Ene wa velipo okuti olongungu via lua vi sule.

Akacunda, ku ka kuate usumba, momo Isiene wa panga oku wihi usoma.

Sokololi ovikuamanga okuti, ka vimbi ombuto, ka vi ungola, ka vi kuete atambo, pamue osila, haimo Suku o vi tekola. Ene hẽ, ka wa velelipo ca lua okuti olonjila vi sule?

Ko ka tatayali hoti, Tu lia nye, tu nyua nye? Ko ka kali lutima wa sakalala.

Puãi Suku, nda o walisa ndoco onjunde yi kasi etaili vusenge kuenda hẽla yimbiwa vofolono, a vakuakolelo lititotito, ene hẽ, ko walisa hẽ ca velapo?

Momo ka kuli eci ca tuvikiwa okuti ka ci tuvuka, ka kuli eci ca yombekiwa okuti ka ci kũlĩhiwa.