Popular Bible Verses from LUKA 14

Share

Nda umue iya kokuange, kuenje ka suvuka isiaye, la inaye, lukãi waye, lomãla vaye, la vamanjaye valume, la vamanjaye vakãi, oco muẽle, ndaño omuenyo waye muẽle, eye ka tẽla oku linga ondonge yange.

U ka ambata ekulusu liaye ha ñuama, eye ka tẽla oku linga ondonge yange.

Momo u o liamisa kunene, amisua kutito, lu o liamisa kutito amisua kunene.

Haico lene, wosi ka si ovikuata viaye viosi ka tẽla oku linga ondonge yange.

Helie pokati kene, nda o yongola oku tunga ombonge, ka tumala tete oku tenda epese liaco, nda hẽ o kuete coku yi malusula? Nda hacoko, eci a seveta ociseveto kuenje ka tẽla oku yi malusula, vosi va ci mola va fetika oku u fuanguila, vati. Omunu u wa fetika oku tunga, kuenje ka tẽlele oku malusula.

Puãi, eci o linga ofesta, laleka olosuke, lovinimbale, lovilema, lolomeke, kuenje o sumũlũisua, momo ka va kuete eci va ku tiuwila. Oniuwile yove yiya kepinduko lia vakuesunga.

Ocili omongua uwa, puãi nda omongua wa sava vu savulula le? Ko silivila koku singa ndaño koku linga ombolela, omanu vo winasi ño. U o kasi lovatui oku yeva, a yeve.