Popular Bible Verses from Génesis 17

Share

Le ca tu chucaj noventa yéetel nueve u ja'abo'ob Abrame', chíicpaj Yuumtzil ti'e', ca tu ya'alaj ti': Tene', u Junab Kuilen sen nojoch páajtalil; cuxlen x ma' si'ipil tin táan

Bejela'e' ma' bíin a kaaba'int Abrami'. Ba'ale' bejela'e' a kaaba'e' Abraham, tumen in ca'aj in beet ca taatainta'aquech tumen ya'abcach múuch' caajo'ob.

Le nup t'aan quin beetic ta wéetela', bey xan bíin in beet yéetel tuláacal a ch'i'ibalo'ob, u káat u ya'ale', tene' a Junab Kuen, leti'obe' u Kueno'ob xan.

Bey le nup t'aan quin in beet ta wéetela': Teche' yaan a taatainta'al tumen ya'abcach nucuch caajo'ob.

Ca j núuca'ab ti' tumen Ku: Ba'ax tin wa'alaje': a watan Sarae' yaan u dzáic teech jun túul paal, teche' yaan a dzáic u kaaba'int Isaac yéetel leti'e' yaan in jedzcuntic in nup t'aan, yaan xan in t'ilcuunsic yéetel u ch'i'ilancab u ti'al ja'abo'ob mina'an u xuul.

Ti' teech yéetel ti' leti'ob bíin in dzáa te'ex u lu'umil Canaán, le tu'ux caja'anech bejela'e', ba'al a ti'ale'ex u ti'al mina'an u xuul kiino'ob, teen xane' a Junab Kuene'ex.

Abrahame' j noclaj lu'um, ca j che'ejnaj ca'aliquil táan u tucultic: ¿Jun túul máac yaan cien ja'abo'ob ti'e' je'el wa u páajtal yantal u paale'? ¿Sarae' bin u ca'aj wa yantal u paal tu noventa ja'abo'ob?

Kue' tu ya'alaj xan ti' Abraham: Sarai a watane' ma' táan u suut u kaaba'int beyo'. Líikbal bejela'e' u kaaba'e' Sara.

U najmal a kupique'ex u yoot'el a j xiibile'ex, lela' bíin p'áatac bey u chíiculal le nup t'aan c beetica' te'ex tin wéetel, teen ta wéetele'ex.

Ba'ale' in nup t'aan yaan in t'ilcuunsic yéetel Isaac, le paal cu bin u dzáa teech Sara ichil jun ja'ab, bey je'el bix le kiino'oba'.

Bejela'a' cu bin j chúunule', tuláacal j xiib ichile'ex u najmal u súut kupta'al tu ocho kiino'ob síijic, je'el máaxac paalil ca síijic ich najil bey le palitzil mana'an yéetel taakin ti' je'el máaxac j táanxel lu'umile'. Bic p'áatac wa máax ma' u súut kupta'al bey le jun túulo' bey u láako'. Beyo' in nup t'aane' bíin p'áatac chica'an ta bakele'ex bey jun p'éel u nup t'aanil tuláacal u kiinil le cuxtalo'.