Popular Bible Verses from LUCAS 9

Share

Cu dzo'ocole' tu ya'alaj ti' tuláacalo'ob: Wa yaan wa máax u káat u tzaypachtene', u tu'ubsubae' yéetel u ch'a'a u cruz sáansamale' ca u tzaypachten.

Tumen le máax u káat u toc u cuxtale', bíin u sate; ba'ale' le máax cu satic u cuxtal tin wo'olale' bíin u toque.

Ba'ale' jesuse' tu ya'alaj ti': Le máax cu machic u nu'ucul pakal cu dzo'ocole' cu paacat paachile', ma' paatal u ti'al u ajawil Kui'

Tumen ¿ba'ax u biilal ti' jun túul máac u náajaltic tuláacal yóokolcaab, cu dzo'ocole' cu sa'atal wa cu xu'ulsicubáa leti'?

Le beetique' wa yaan máax cu sublacchajal tin wo'olal yéetel tu yo'olal in ma'alob péectzile', bey xan u Paal Máac bíin sublacchajac tu yo'olal leti' le quéen taalac je'el bix jun túul Ajaw yéetel u qui'ichquelemil u Taata yéetel u qui'ichquelemil u quili'ich ángelo'obo'.

Jesuse' tu núucaj ti': Le ch'omaco'obo' yaan u áactuno'ob, le ch'íich'o'obo' yaan u ku'ob, ba'ale' u Paal Máaque' mina'an tu'ux u t'alcuntic u pool.

ca tu ya'alaj ti'ob: Le máax kamic le chan xi'ipal tin kaabaa' teen cu kamiquen. Le máax cu kamiquene' cu kamic xan le máax j túuxteno'. Tumen le máax asab chichan ichil tuláacale'exe', leti' u asab nojochil ichile'ex.