Popular Bible Verses from ᠢᠣᠸᠠᠨ 15

Share

ᠪᠢ ᠪᠡᠷ ᠦᠵᠦᠮ ᠦᠨ ᠡᠰᠢ ᠪᠤᠢ ᠪᠥᠭᠡᠳ᠂ ᠲᠠ ᠪᠡᠷ ᠭᠡᠰᠢᠭᠦᠳ ᠪᠣᠯᠠᠢ᠃ ᠠᠯᠢ ᠬᠡᠨ ᠮᠢᠨᠦ ᠳᠣᠲᠣᠷ᠎ᠠ ᠪᠠᠶᠢᠬᠤ ᠪᠥᠭᠡᠳ᠂ ᠪᠢ ᠴᠤ ᠲᠡᠭᠦᠨ ᠦ ᠳᠣᠲᠣᠷ᠎ᠠ ᠪᠠᠶᠢᠬᠤ ᠪᠥᠭᠡᠰᠦ ᠡᠯ᠎ᠡ᠂ ᠲᠡᠷᠡ ᠢᠨᠦ ᠶᠡᠬᠡ ᠦᠷ᠎ᠡ ᠶᠢ ᠡᠭᠦᠰᠬᠡᠬᠦ ᠬᠡᠮᠡᠪᠡᠰᠦ᠂ ᠲᠠ ᠪᠡᠷ ᠨᠠᠳᠠ ᠦᠭᠡᠢ ᠪᠡᠷ ᠶᠠᠭᠤᠨ ᠢ ᠴᠤ ᠦᠢᠯᠡᠳᠴᠦ ᠡᠰᠡ ᠴᠢᠳᠠᠮᠤᠢ᠃

ᠮᠢᠨᠦ ᠳᠣᠲᠣᠷ᠎ᠠ ᠣᠷᠣᠰᠢᠨ ᠪᠠᠶᠢᠭᠲᠤᠨ᠃ ᠪᠢ ᠴᠤ ᠲᠠᠨ ᠤ ᠳᠣᠲᠣᠷ᠎ᠠ (ᠣᠷᠣᠰᠢᠨ ᠪᠠᠶᠢᠰᠤ)᠃ ᠭᠡᠰᠢᠭᠦᠦ ᠢᠨᠦ ᠦᠵᠦᠮ ᠦᠨ ᠡᠰᠢ ᠶᠢᠨ ᠳᠣᠲᠣᠷ᠎ᠠ ᠡᠰᠡ ᠪᠠᠶᠢᠪᠠᠰᠤ᠂ ᠥᠪᠡᠷ ᠦᠨ ᠪᠡᠶ᠎ᠡ ᠡᠴᠡ ᠦᠷ᠎ᠡ ᠶᠢ ᠡᠭᠦᠰᠬᠡᠵᠦ ᠦᠯᠦ ᠴᠢᠳᠠᠬᠤ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠲᠠ ᠪᠡᠷ ᠮᠢᠨᠦ ᠳᠣᠲᠣᠷ᠎ᠠ ᠦᠯᠦ ᠪᠠᠶᠢᠬᠤ ᠪᠥᠭᠡᠰᠦ ᠡᠯ᠎ᠡ᠂ (ᠦᠷ᠎ᠡ ᠶᠢ ᠡᠭᠦᠰᠬᠡᠵᠦ ᠦᠯᠦ ᠴᠢᠳᠠᠬᠤ ᠪᠤᠢ)᠃

ᠬᠡᠷᠪᠡ ᠲᠠ ᠪᠡᠷ ᠮᠢᠨᠦ ᠳᠣᠲᠣᠷ᠎ᠠ ᠪᠠᠶᠢᠬᠤ ᠪᠥᠭᠡᠳ᠂ ᠮᠢᠨᠦ ᠦᠭᠡᠰ ᠴᠤ ᠲᠠᠨᠤ ᠳᠣᠲᠣᠷ᠎ᠠ ᠪᠠᠶᠢᠬᠤ ᠪᠥᠭᠡᠰᠦ ᠡᠯ᠎ᠡ᠂ ᠲᠠᠨᠤ ᠶᠠᠭᠤᠨ ᠳᠤᠷᠠᠰᠢᠭᠰᠠᠨ ᠢᠶᠠᠨ ᠡᠷᠢᠭᠦᠯᠡ ᠲᠠᠨ ᠳᠤᠷ ᠥᠭᠳᠡᠬᠦ ᠪᠣᠯᠤᠶᠤ᠃

ᠲᠠ ᠪᠡᠷ ᠨᠠᠮᠠᠶᠢ ᠰᠣᠩᠭᠣᠭᠰᠠᠨ ᠪᠤᠰᠤ᠃ ᠬᠠᠷᠢᠨ ᠪᠢ ᠪᠡᠷ ᠲᠠᠨ ᠢ ᠰᠣᠩᠭᠣᠭᠠᠳ᠂ ᠲᠠ ᠪᠡᠷ ᠦᠷ᠎ᠡ ᠶᠢ ᠡᠭᠦᠰᠬᠡᠨ ᠣᠳᠬᠤ ᠪᠥᠭᠡᠳ᠂ ᠲᠠᠨᠤ ᠦᠷ᠎ᠡ ᠴᠤ ᠪᠠᠶᠢᠬᠤ ᠪᠣᠯᠲᠤᠭᠠᠢ ᠬᠡᠮᠡᠨ ᠲᠠᠨ ᠢ ᠲᠣᠭᠲᠠᠭᠠᠨ ᠢᠯᠡᠭᠡᠭᠰᠡᠨ ᠪᠤᠢ᠃ ᠲᠡᠶᠢᠨ ᠬᠦ ᠲᠠ ᠪᠡᠷ ᠮᠢᠨᠦ ᠨᠡᠷ᠎ᠡ ᠪᠡᠷ ᠡᠴᠢᠭᠡ ᠡᠴᠡ ᠶᠠᠭᠤᠨ ᠢ ᠴᠤ ᠡᠷᠢᠬᠦ ᠪᠥᠭᠡᠰᠦ᠂ ᠲᠡᠷᠡ ᠢᠨᠦ ᠲᠠᠨ ᠳᠤᠷ ᠥᠭᠭᠦᠨ ᠰᠣᠶᠤᠷᠬᠠᠬᠤ ᠪᠤᠢ᠃

ᠢᠨᠠᠭ ᠤᠳ ᠤᠨ ᠲᠤᠯᠠᠳᠠ ᠥᠪᠡᠷ ᠦᠨ ᠠᠮᠢᠨ ᠢ ᠥᠭᠬᠦ ᠡᠴᠡ᠂ ᠬᠡᠨ ᠳᠦᠷ ᠴᠤ ᠦᠯᠡᠮᠵᠢ ᠢᠨᠠᠭᠯᠠᠯ ᠦᠭᠡᠢ ᠪᠤᠢ᠃

ᠨᠠᠳᠤᠷ ᠠᠬᠤᠢ ᠠᠯᠢᠪᠠ ᠦᠷ᠎ᠡ ᠦᠭᠡᠢ ᠭᠡᠰᠢᠭᠦᠨ ᠢ ᠲᠡᠷᠡ ᠠᠪᠴᠤ ᠣᠭᠤᠷᠤᠨ᠂ ᠠᠯᠢᠪᠠ ᠦᠷ᠎ᠡ ᠲᠦ ᠭᠡᠰᠢᠭᠦᠨ ᠢ ᠦᠯᠡᠮᠵᠦ ᠦᠷ᠎ᠡ ᠲᠦ ᠪᠣᠯᠭᠠᠬᠤ ᠶᠢᠨ ᠲᠤᠯᠠ ᠵᠠᠰᠠᠵᠤ ᠢᠷᠢᠯᠭᠠᠮᠤᠢ [ᠠᠷᠢᠯᠭᠠᠮᠤᠢ]᠃

ᠮᠢᠨᠦ ᠵᠠᠬᠢᠶ᠎ᠠ ᠬᠡᠮᠡᠪᠡᠰᠦ ᠡᠶᠢᠨ᠃ ᠮᠢᠨᠦ ᠲᠠᠨ ᠢ ᠢᠨᠠᠭᠯᠠᠭᠰᠠᠨ ᠮᠡᠲᠦ ᠲᠠ ᠴᠤ ᠨᠢᠭᠡᠨ ᠨᠢᠭᠡᠨ ᠢᠶᠡᠨ ᠢᠨᠠᠭᠯᠠᠯᠴᠠᠭᠲᠤᠨ᠃

ᠲᠠᠨᠤ ᠣᠯᠠᠨ ᠦᠷ᠎ᠡ ᠶᠢ ᠡᠭᠦᠰᠬᠡᠬᠦᠢ ᠪᠡᠷ ᠮᠢᠨᠦ ᠡᠴᠢᠭᠡ ᠢᠨᠦ ᠬᠦᠨᠳᠦᠯᠡᠭᠳᠡᠬᠦ ᠪᠤᠢ᠃ ᠡᠭᠦᠨ ᠢᠶᠡᠷ ᠴᠤ ᠲᠠ ᠪᠡᠷ ᠮᠢᠨᠦ ᠱᠠᠪᠢᠨᠠᠷ ᠪᠣᠯᠬᠤ ᠮᠥᠨ᠃

ᠪᠢ ᠪᠡᠷ ᠦᠨᠡᠨ ᠦᠵᠦᠮ ᠦᠨ ᠡᠰᠢ ᠪᠤᠢ ᠪᠥᠭᠡᠳ᠂ ᠮᠢᠨᠦ ᠡᠴᠢᠭᠡ ᠢᠨᠦ ᠲᠠᠷᠢᠶᠠᠴᠢ ᠪᠣᠯᠠᠢ᠃

ᠬᠡᠷᠪᠡ ᠠᠯᠢ ᠬᠡᠨ ᠮᠢᠨᠦ ᠳᠣᠲᠣᠷ᠎ᠠ ᠦᠯᠦ ᠪᠠᠶᠢᠬᠤ ᠪᠥᠭᠡᠰᠦ ᠡᠯ᠎ᠡ᠂ ᠲᠡᠷᠡ ᠢᠨᠦ ᠬᠤᠪᠠᠬᠠᠶᠢᠷᠠᠵᠤ᠂ ᠭᠡᠰᠢᠭᠦᠦ ᠮᠡᠲᠦ ᠬᠠᠶᠠᠭᠳᠠᠨ ᠭᠠᠷᠭᠠᠭᠳᠠᠮᠤᠢ᠃ ᠲᠡᠷᠡ ᠮᠡᠲᠦᠰ ᠢᠨᠦ ᠬᠤᠷᠢᠶᠠᠭᠳᠠᠨ᠂ ᠭᠠᠯ ᠳᠤᠷ ᠬᠠᠶᠠᠭᠳᠠᠭᠠᠳ ᠲᠦᠯᠡᠭᠳᠡᠮᠦᠢ᠃

ᠲᠠᠨᠤ ᠳᠣᠲᠣᠷ᠎ᠠ ᠮᠢᠨᠦ ᠪᠠᠶᠠᠰᠬᠤᠯᠠᠩ ᠪᠠᠶᠢᠬᠤ ᠪᠥᠭᠡᠳ᠂ ᠲᠠᠨᠤ ᠪᠠᠶᠠᠰᠬᠤᠯᠠᠩ ᠴᠤ ᠲᠦᠭᠡᠮᠡᠯ ᠪᠣᠯᠬᠤ ᠪᠣᠯᠲᠤᠭᠠᠢ ᠬᠡᠮᠡᠨ ᠪᠢ ᠪᠡᠷ ᠲᠠᠨ ᠳᠤᠷ ᠡᠭᠦᠨ ᠢ ᠥᠭᠦᠯᠡᠭᠰᠡᠨ ᠪᠤᠢ᠃

ᠪᠢ ᠪᠡᠷ ᠥᠪᠡᠷ ᠦᠨ ᠡᠴᠢᠭᠡ ᠶᠢᠨ ᠵᠠᠬᠢᠶ᠎ᠠ ᠨᠤᠭᠤᠳ ᠢ ᠰᠠᠬᠢᠭᠠᠳ᠂ ᠲᠡᠭᠦᠨ ᠦ ᠢᠨᠠᠭᠯᠠᠯ ᠳᠤᠷ ᠪᠠᠶᠢᠳᠠᠭ ᠮᠡᠲᠦ᠂ ᠲᠡᠭᠦᠨᠴᠢᠯᠡᠨ ᠲᠠ ᠪᠡᠷ ᠮᠢᠨᠦ ᠵᠠᠬᠢᠶ᠎ᠠ ᠨᠤᠭᠤᠳ ᠢ ᠰᠠᠬᠢᠬᠤ ᠪᠥᠭᠡᠰᠦ ᠡᠯ᠎ᠡ᠂ ᠲᠠ ᠴᠤ ᠮᠢᠨᠦ ᠢᠨᠠᠭᠯᠠᠯ ᠳᠤᠷ ᠪᠠᠶᠢᠬᠤ ᠪᠤᠢ᠃

ᠲᠠᠨ ᠳᠤᠷ ᠮᠢᠨᠦ ᠵᠠᠬᠢᠭᠰᠠᠨ ᠬᠡᠮᠡᠪᠡᠰᠦ᠂ ᠨᠢᠭᠡᠨ ᠨᠢᠭᠡᠨ ᠢᠶᠡᠨ ᠢᠨᠠᠭᠯᠠᠯᠴᠠᠭᠲᠤᠨ᠃

ᠬᠡᠷᠪᠡ ᠲᠠ ᠪᠡᠷ ᠶᠢᠷᠲᠢᠨᠴᠦ ᠶᠢᠨ ᠠᠭᠰᠠᠨ ᠪᠣᠯᠪᠠᠰᠤ᠂ ᠶᠢᠷᠲᠢᠨᠴᠦ ᠢᠨᠦ ᠥᠪᠡᠷ ᠦᠨ (ᠬᠤᠪᠢ ᠲᠠᠨ) ᠢ ᠢᠨᠠᠭᠯᠠᠬᠤ ᠪᠥᠯᠦᠭᠡ᠃ ᠵᠦᠭᠡᠷ ᠲᠠ ᠪᠡᠷ ᠶᠢᠷᠲᠢᠨᠴᠦ ᠶᠢᠨ ᠪᠤᠰᠤ᠃ ᠬᠠᠷᠢᠨ ᠪᠢ ᠪᠡᠷ ᠲᠠᠨ ᠢ ᠶᠢᠷᠲᠢᠨᠴᠦ ᠶᠢᠨ ᠳᠣᠲᠣᠷ᠎ᠠ ᠠᠴᠠ ᠰᠣᠩᠭᠣᠭᠰᠠᠨ ᠪᠤᠢ᠃ ᠡᠭᠦᠨ ᠦ ᠲᠤᠯᠠ ᠶᠢᠷᠲᠢᠨᠴᠦ ᠢᠨᠦ ᠲᠠᠨ ᠢ ᠥᠰᠢᠶᠡᠯᠡᠮᠦᠢ᠃