Popular Bible Verses from Lúcas 5

Share

Acht nuair a stad sé de chainnt, dubhairt sé le Síomon: Cuir amach ar an doimhneacht, agus leigigidh síos bhur n-eangacha chun gabhála.

Agus d’fhreagair Síomon, agus dubhairt sé leis: A Mháighistir, shaothruigheamar ar feadh na h-oidhche uilig, agus níor ghabhamar dadamh; acht ar d’fhocal-sa leigfidh mé síos an eangach. Agus nuair a bhí seo déanta acu, ghabh siad án iomad iasc, agus bhris a n-eangach.

Acht d’imthigh seisean isteach san uaigneas agus rinne sé urnaighe.

Ní tháinic mise le glaodhach ar fhíréin acht ar pheacaigh chun aithrighe.

Agus nuair a chonnaic Síomon Peadar seo, thuit sé síos ag glúna Íosa, ag rádh: Imthigh uaim, óir is duine peacthach mé, a Thighearna.

Agus dubhairt Íosa leo, ghá bhfreagairt: Ní ar na daoine slána a bhíos liaigh do dhíth, acht ar na daoine breoidhte.

Agus nuair a thug siad a longa chun tíre, d’fhág siad gach nidh, agus lean siad é.

Agus thárla, nuair a bhí sé i gcionn de na cathracha, féach, fear lán de lobhra, ar fheiceáil Íosa dó, chaith sé é féin síos ar a aghaidh agus ghuidh sé é, ag rádh: A Thighearna, má’s toil leat, tig leat mé a dhéanamh glan. Agus ag síneadh amach a láimhe dó, leig sé air í, ag rádh: Is toil; déantar glan thú. Agus d’imthigh an lobhra de ar an bhomaite.

Acht is amhlaidh is mó a leathnuigh iomrádh air, agus chruinnigh sluaighte móra le h-éisteacht leis agus le leigheas d’fhagháil ó n-a gcuid galar.