Popular Bible Verses from Sant Lu 10

Share

Vès, vous ai douna lou poudé de subre-chaupi li serpas e lis escourpioun e touto la forço de l'enemi, e rèn vous fara mau.

E respoundènt, ié diguè lou Segnour: Marto, Marto, te lagnes e te desvarìes pèr forço causo. Ve, n'i'a qu'uno de necessàri. Marìo a chausi la meiouro part, e ié sara pas levado.

Aquest ié respoundeguè: Amaras lou Segnour toun Diéu de tout toun cor e de touto toun amo, e de tóuti ti forço e de tout toun èime, e toun prouchan coume tu-meme.

E ié disié: La meissoun es grosso, mai li travaiadou soun clar. Pregas dounc lou mèstre de la meissoun que mande de travaiadou à sa meissoun.

Quau d'aquéli tres te sèmblo èstre esta lou prouchan d'aquéu que toumbè au mitan di larroun? Lou dóutour respoundeguè: Es aquéu que n'a 'gu pieta. E ié diguè Jèsu: Vai, e fai coume éu.

Anas, veici que iéu vous mande vautre coume d'agnèu au mitan di loup.