Popular Bible Verses from Jɛnɛsis 27

Share

Nyɔŋmɔ ahã bo ŋwɛi bɔ kɛ shikpɔŋ mli fɔ lɛ eko, kɛ ŋmãa kɛ wain babaoo hu. Maji asɔ̃mɔ bo, ni je lɛŋ maji akoto bo. Ye onyɛmimɛi lɛ anɔ lumɔ, ni onyɛ bihii lɛ akoto bo. Mɔ fɛɛ mɔ ni aaalomɔ bo lɛ, alomɔ lɛ, ni mɔ fɛɛ mɔ ni aaajɔɔ bo lɛ, ajɔɔ lɛ!”

Esau kɛɛ, “Egbɛi Yakob ni awo lɛ lɛ, ebala lɛ. Shii enyɔ sɔŋŋ ni eshishiu mi nɛ; mikromɔbi gbɛnaa lɛ eshɔ̃, ni agbɛnɛ ebahe mijɔɔmɔ lɛ hu!” Ni Esau bi etsɛ akɛ, “Ani oshwɛɛɛ jɔɔmɔ lɛ eko ohãaa mi?”

Etsɛ Isak here nɔ, ni ekɛɛ lɛ akɛ, “Shikpɔŋ ni fɔ bɛ mli nɔ ooohi, kɛ he ni ŋwɛi bɔ enyɔɔɔ yɛ. Oklante naa oyi aaana wala yɛ, ni onyɛmi lɛ ooosɔ̃mɔ. Shi aaaba mli akɛ, kɛ opele ohe lɛ, oookpɔ̃ ohe yɛ edɛŋ.”

Kɛkɛ ni Esau kɛɛ etsɛ akɛ, “Ataa, ani jɔɔmɔ kome pɛ kɛkɛ oyɔɔ? Hã mi jɔɔmɔ ko kɛ̃, Ataa!” Ni Esau jwa yaafo.