Popular Bible Verses from Luka 14

Share

“Kɛji mɔ ko miiba miŋɔɔ ni enyɛɛɛ etsɛ kɛ enyɛ kɛ eŋa kɛ ebii kɛ enyɛmimɛi hii kɛ enyɛmimɛi yei kɛ lɛ diɛŋtsɛ esusuma hu tete lɛ, enyɛŋ etsɔ̃ mikaselɔ.

Ni mɔ fɛɛ mɔ ni tereee esɛŋmɔtso kɛnyiɛɛɛ misɛɛ lɛ, enyɛŋ mikaselɔ etsɔ̃.

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Nakai nɔŋŋ kɛ̃ nyɛteŋ mɔ fɛɛ mɔ ni kwaaa nibii fɛɛ ni eyɔɔ lɛ enyɛŋ mikaselɔ etsɔ̃.”

Ejaakɛ nyɛteŋ namɔ ni kɛji eetao mɔɔ ema lɛ, etaŋ shi ni ebu naa ekwɛ dã akɛ eyɛ nii bɔ ni ekɛaagbe naa lo? Koni ekaba akɛ be ni eje shishi ni eyanyɛɛɛ naa egbe lɛ, mɛi fɛɛ ni na lɛ babɔ̃i ehefɛoyeli akɛ, ‘Nɛkɛ gbɔmɔ nɛɛ bɔ̃i mɔɔ maa, shi enyɛɛɛ naa egbe.’

Shi kɛ oŋmɛ okplɔ̃ lɛ, kpeemɔ ohiafoi kɛ kpajelɔi kɛ akpaketsɛmɛi kɛ shwilafoi moŋ, ni aaajɔɔ bo, akɛni amɛ lɛ amɛbɛ nɔ ko ni amɛkɛaato bo najiaŋ lɛ; ejaakɛ aaato bo najiaŋ yɛ jalɔi ashitee lɛ mli.”

“Ŋoo hi; shi kɛji ŋoo naanu gbo lɛ, mɛni akɛaawo lɛ ŋoo dɔŋŋ? Esaaa shikpɔŋ loo tumo nɔ tete; tsi atsiɔ ashwieɔ. Mɔ ni yɔɔ toi ni akɛnuɔ nii lɛ, enu!”