Popular Bible Verses from KA BUKE MUA A MOSE, I KAPA ʻIA KINOHI 9

Share

ʻĪ maila ke Akua, “Eia ka hōʻailona o ka berita aʻu e hana nei ma waena oʻu a ʻo ʻoukou, me nā mea ola a pau me ʻoukou, no nā hanauna a pau; ke kau nei au i kuʻu ānuenue ma ke ao, i hōʻailona ia no ka berita ma waena oʻu a ʻo ka honua.

“A e kau mai auaneʻi ke ānuenue ma ke ao; a e nānā aku au ia i hoʻomanaʻo iho ai au i ka berita mau loa ma waena o ke Akua a ʻo nā mea ola a pau o nā mea ʻiʻo a pau ma luna o ka honua.”

“ʻO ka mea nāna e hoʻokahe i ke koko o kānaka, E hoʻokahe ʻia nō kona koko e kānaka; No ka mea, ma ke ʻano o ke Akua ʻO ia i hana ai i kānaka.

¶ Hoʻopōmaikaʻi maila ke Akua iā Noa, a me kāna mau keiki kāne, ʻī maila iā lākou, “E hoʻohua mai ʻoukou, e māhuahua, a e hoʻopiha i ka honua.

“ʻO nā mea hele a pau e ola ana, na ʻoukou ia e ʻai; me kaʻu i hāʻawi aku ai i nā lau nahele ʻōpiopio na ʻoukou, pēlā kaʻu e hāʻawi aku nei i nā mea a pau.

“E kau mai auaneʻi ka makaʻu iā ʻoukou a me ka weliweli ma luna o nā holoholona a pau o ka honua, ma luna hoʻi o nā manu a pau o ka lewa, a ma luna hoʻi o nā mea a pau e hele ana ma ka honua, a ma luna nō hoʻi o nā iʻa a pau o ke kai; ua hāʻawi ʻia aku lākou i loko o nā lima o ʻoukou.

“A ʻoukou, e hoʻohua mai ʻoukou, a e māhuahua; E hānau nui ma ka honua, A e hoʻolaha ma laila.”