Popular Bible Verses from KA ʻEUANELIO I KĀKAU ʻIA AI E IOANE 11

Share

ʻĪ maila ʻo Iesū iā ia, “ʻO wau nō ke ala hou ʻana, a me ke ola; ʻo ka mea e manaʻoʻiʻo mai iaʻu, inā e make ia, e ola hou auaneʻi ʻo ia. “ʻO ka mea e ola ana, a e manaʻoʻiʻo mai iaʻu, ʻaʻole loa ia e make. Ke manaʻoʻiʻo nei anei ʻoe i kēia?”

ʻĪ maila ʻo Iesū iā ia, “ʻAʻole anei au i ʻōlelo aku iā ʻoe, inā e manaʻoʻiʻo mai ʻoe, e ʻike auaneʻi ʻoe i ka nani o ke Akua?”

Uē ihola ʻo Iesū.

A lohe aʻela ʻo Iesū, ʻī aʻela, “ʻAʻole kēia ka maʻi e make ai; akā, no ka nani o ke Akua, i hoʻonani ʻia ai hoʻi ke Keiki a ke Akua ma ia mea.”

A pau kāna ʻōlelo ʻana ia mea, kāhea akula ia me ka leo nui, “E Lazaro, e hele mai ʻoe i waho.” A hele mai i waho ka mea i make, ua nākiʻi ʻia ma nā wāwae a ma nā lima i nā kahakahana lole; a ua kāʻei ʻia kona wahi maka a puni me ka hainakā. ʻĪ maila ʻo Iesū iā lākou, “E kala aʻe iā ia, a kuʻu aku iā ia e hele.”

¶ A laila uē hou ihola ʻo Iesū i loko ona, a hiki ma ka hale kupapaʻu. He ana ia, a ua pani ʻia i ka pōhaku.

Pau aʻela kāna ʻōlelo ʻana ia mea; a laila ʻī maila ʻo ia iā lākou, “Ua hiamoe ʻo Lazaro ko kākou hoaaloha; akā, e hele aku au e hoʻāla mai iā ia.”