Popular Bible Verses from KA ʻEUANELIO I KĀKAU ʻIA AI E LUKA 13

Share

“E hoʻoikaika iā ʻoukou e komo i ka ʻīpuka pilikia; no ka mea, ke haʻi aku nei au iā ʻoukou, he nui nō ka poʻe e ʻimi ana e komo, ʻaʻole nō e hiki.

Aia hoʻi, i laila kekahi wahine, he maʻi kona he ʻumikumamāwalu makahiki, ua hoʻokūlou ʻia ʻo ia, ʻaʻole loa e hiki iā ia ke ea aʻe i luna. A ʻike maila ʻo Iesū iā ia, kāhea maila ia, ʻī maila iā ia, “E ka wahine, ua wehe ʻia ʻoe mai kou maʻi ʻana.”

A kau akula ia i kona mau lima ma luna iho ona; a ua hoʻopololei koke ʻia ʻo ia, a hoʻonani akula ia i ke Akua.

“Aia hoʻi, ʻo ka poʻe hope, e lilo lākou i poʻe mua, a ʻo ka poʻe mua, e lilo lākou i poʻe hope.”

“A i kū i luna ka haku nona ka hale a i pani i ka puka, a kū ʻoukou ma waho e kīkēkē ana ma ka puka, me ka ʻōlelo, ‘E ka Haku, e ka Haku, e wehe aʻe iā mākou;’ a e ʻōlelo nō ʻo ia iā ʻoukou, ‘ʻAʻole au i ʻike i ko ʻoukou wahi i hele mai ai.’

“Ke ʻōlelo aku nei au iā ʻoukou, ʻaʻole; akā, i mihi ʻole ʻoukou, e pau pū hoʻi ʻoukou a pau i ka make.”

“A e ʻōlelo hou ia, ‘Ke ʻōlelo aku nei au iā ʻoukou, ʻaʻole au i ʻike iā ʻoukou i ko ʻoukou wahi i hele mai ai; «e hele aku ʻoukou mai oʻu aku nei, e ka poʻe hana hewa a pau».’

¶ A laila nīnau maila ʻo ia, “E like ke aupuni o ke Akua me ke aha? Me ke aha lā hoʻi au e hoʻohālike ai ia? “Ua like ia me ka hua mākeke a kekahi kanaka i lawe ai, a hoʻolei i loko o kāna māla; a ulu aʻela, a lilo aʻela i lāʻau nui, a «kau ihola nā manu o ka lewa ma kona mau lālā».”