Popular Bible Verses from KA ʻEUANELIO I KĀKAU ʻIA AI E MAREKO 14

Share

ʻĪ akula ia, “E ʻAba, e ka Makua, ua hiki nā mea a pau loa iā ʻoe, e lawe aku ʻoe i kēia kīʻaha oʻu; akā hoʻi, ʻaʻole ʻo koʻu makemake e hana ʻia, aia ʻo kou.”

“E makaʻala ʻoukou, e pule, o hoʻowalewale ʻia mai ʻoukou. Ua makemake nō ka naʻau; akā, ʻo ke kino, ua nāwaliwali ia.”

“He ʻoiaʻiʻo kaʻu e ʻōlelo aku nei iā ʻoukou, ma nā wahi a pau loa ma ke ao nei e haʻi ʻia aku ai kēia ʻeuanelio, e haʻi pū ʻia aku nō hoʻi ka mea āna i hana mai ai, i mea e hoʻomanaʻo ʻia ai ʻo ia.”

ʻĪ maila ʻo ia iā lākou, “Ua kaumaha loa kuʻu ʻuhane, me he mea make lā. E kali ʻoukou ma ʻaneʻi, a e makaʻala nō hoʻi.”

¶ A i kā lākou ʻai ʻana, lālau aʻela Iesū i ka berena, hoʻālohaloha akula, wāwahi ihola, a hāʻawi maila iā lākou, ʻī maila, “E lawe, e ʻai; ʻo koʻu kino kēia.”

A laila, lālau ihola ia i ke kīʻaha a hoʻālohaloha aku ia, a laila, hāʻawi maila iā lākou; a inu ihola lākou a pau i ko loko. ʻĪ maila ʻo ia iā lākou, “ʻO koʻu koko kēia no ke kauoha hou, ua hoʻokahe ʻia no nā kānaka he nui loa.

¶ ʻĪ maila Iesū iā lākou, “I nēia pō e hihia auaneʻi ʻoukou a pau noʻu; no ka mea, ua palapala ʻia, ‘«E pepehi ana au i ke Kahu Hipa, a e puehu wale aku nō nā hipa».’

“E ala, e haele kākou; aia hoʻi, ke kokoke mai nei ka mea nāna wau e kumakaia!”

ʻĪ maila Iesū iā ia, “He ʻoiaʻiʻo kaʻu e haʻi aku nei iā ʻoe, i kēia lā, a i kēia pō nō, ʻaʻole e hiki ke kani ʻana o ka moa kualua, ʻekolu ou hōʻole ʻē ʻana mai iaʻu.”