Popular Bible Verses from KA ʻEUANELIO I KĀKAU ʻIA AI E MAREKO 5

Share

ʻĪ maila ʻo ia iā ia, “E kuʻu kaikamahine, ua ola ʻoe i kou manaʻoʻiʻo! E hele pōmaikaʻi ʻoe, me ke ola ʻana o kou maʻi.”

¶ Aia hoʻi he wahine heʻe koko, he ʻumi nā makahiki a me kumamālua; a ua nui kona kaumaha no nā kāhuna lapaʻau he nui loa, a ua hoʻopau loa i kona waiwai, ʻaʻole naʻe i maha iki, ua māhuahua nō ka maʻi.

Maloʻo koke aʻela ke kumu o kona koko; a ʻike ihola ia i loko o kona kino, ua ola ia i kēlā maʻi.

Lālau aʻela ia i ka lima o ua keiki lā, ʻī maila iā ia, “Talita koumi!” ʻo ia hoʻi kēia ma ka hoʻohālike ʻana, “E ke kaikamahine, ke ʻōlelo aku nei au iā ʻoe, e ala i luna!”

¶ A i kāna ʻōlelo ʻana, hele maila kekahi mea, no ka luna hale hālāwai, ʻī maila, “Ua make kou kaikamahine, no ke aha lā ʻoe e hoʻoluhi hou aku ai i ke Kumu?” A lohe Iesū ia ʻōlelo i ʻōlelo ʻia aʻe, ʻī maila ia i ka luna hale hālāwai, “Mai makaʻu ʻoe, e manaʻoʻiʻo wale mai nō.”

No ka mea, ua ʻōlelo ʻē aku Iesū iā ia, “E ka ʻuhane ʻino, e hele aku ʻoe pēlā i waho o ia kanaka!” Nīnau akula Iesū iā ia, “ʻO wai lā kou inoa?” Haʻi mai kēlā, ʻī maila, “ʻO Legeona koʻu inoa; no ka mea, ua nui loa mākou.”