Popular Bible Verses from Ɛksadɔso 3

Share

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Na AWURADE hane kyɛ, “Nnɛpingye wa! Puropuro wɔ gya nu mbaboa ne, ofikyɛ nekaa bɔ egyi ne te aseɛ krongron.”

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne. Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Na AWURADE abɔfo yele ye nwo ali hyirele ye wɔ ngyɛkyerɛ bie bɔ né ogye wuronyiwuronyi nu. Mose neane, edwirɛ nwanwa, onwuni kyɛ ngyɛkyerɛ ne ogye de, nakoso né ɔnyera.

Yiti bra. Mésoma wɔ maa ɛkɔ Faro berɛ ɛkɔye me mmenia Yisraelfoɛ efi Misraim!”