Popular Bible Verses from Gyenesise 37

Share

Ɛlɛho bie, Yosef hyene laleɛ, na ɔhane laleɛ ne hyirele oliɛma nemɔ nen, bɛpɔle ye bɛtrale daa ne po.

Né Yisrael kuro Yosef dwirɛ tra ye mma mɔ ngaa ne amu, ofikyɛ ɔte ye nworowaa nu ba. Yiti ɔpale ataadeɛ tendenn bie mane ye.

Na oliɛma mmienzua nemɔ nwuni kyɛ bɛ baba kuro Yosef dwirɛ tra bɛ mu nen, bɛpɔle ye, yiti né bɛ ne ye dwudwo ɛyaa so.

Yosef hyene laleɛ bieku, na ɔbɔle oliɛma nemɔ amaneɛ kyɛ, “Ɛ́mɔtie, mahye laleɛ bieku, na nwuni kyɛ eyia, ɛsraen ne nzramaa buru ne ko bɛkoto me.”

Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

Osele bɛ kyɛ, “Ɛ́mɔtie laleɛ bɔ mahye ɔ: “Né yɛkyekye ɛmo tire tire wɔ fieso, na mvum nu, me mo tire bɔ makyekye ne dwɔsole gyinane kyirebeinn, na ɛmɔ mo tire deɛ nemɔ pɛle me deɛ ne anwo beyiale, na bɛkotole ye.”

Ɛmɔma yɛhu ye ná yɛgyi ye yɛto ngono ne ko anu; yɛkɔɔha kyɛ kaka aboyaa bie ahye ye ali, ná yanea sɛ ye laleɛ nemɔ kɔwa nu a.

Né Midianfoɛ dwadifoɛ biemɔ bɛbaase. Yosef aliɛma nemɔ yele ye befili abura ne anu, na bɛtɔnene ye ɛdwetɛ kilo ko bɔ bahyɛ nu nnu bɛmane Yismaelfoɛ nemɔ maa bɛfale ye bɛhɔle Misraim.

Besisele bɛ nwo kyɛ, “Laleɛhyenɛniɛ ne yeɛ ɔ́ba ne!

Oliɛma nemɔ nwuni ye wɔ nziɛ nziɛ kyɛ ɔba ɔ, na anzana ɔbaadwu bɛ nwo berɛ ne, bɛbɔle ye nwo porɛ kyɛ bekohu ye.

Ruben sele bɛ kyɛ, “Nnɛma ɛmɔkã mogya begua, ɛ́mɔgyi ye bɛ́to kumaa ye anu ɛserɛ ye aso wa, na mmom nnɛma ebiala fa ye sa ka ye.” Né wayɛ ye adwene kyɛ ode ye fi bɛ sa nu na ɔfa ye sa kɔma ye baba.